13 мај 2026
• од Темелко Тошев
Штипската јавност е згрозена по серијата нови сведоштва кои пристигнуваат на адреса на 65-годишниот професор по математика и раководител на приватен образовен центар во градот. Иако вчера полицијата официјално поднесе кривична пријава, бројот на потенцијални жртви расте откако случајот стана јавен.
Откако судот му одреди 30-дневен притвор на професорот со иницијали А.Ш., дополнителен број деца и нивните родители се охрабрија да го пријават претрпеното малтретирање. Според информациите на локалната ТВ Стар, нови ученички потврдиле дека биле жртви на сексуално вознемирување за време на дополнителната настава.
„Наставата се одвиваше во крајно вознемирувачки услови. Сите деца имаат различно, но подеднакво трауматично искуство од однесувањето на професорот кое било секој освен морално“, откриваат родители за локалните медиуми.
Родителите чии деца веќе го пријавиле случајот упатија јавен и итен апел до сите граѓани на Штип чии деца посетувале настава во овој центар. Тие ги повикуваат сите родители отворено да разговараат со своите деца за да се утврди дали има и други случаи на злоупотреба кои досега биле премолчувани поради страв или срам.
Целта е целосно расветлување на случајот и утврдување на одговорност за секој поединечен напад врз интегритетот на малолетниците.
Полицијата и обвинителството продолжуваат со прибирање докази, а се очекува бројот на пријави дополнително да се зголеми во наредните денови.
Ненадминливи Понуди Дневно
4.8 (10276 рецензии)
Заштедете 152.00 ден

