ХАОС НА ВОДНО: Несовесни граѓани оставија депонија под Марково Крувче

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ХАОС НА ВОДНО: Несовесни граѓани оставија депонија под Марково Крувче

12 мај 2026

• од Темелко Тошев

аместо чист планински воздух и зеленило, редовните посетители на Водно утрово ги пречекаа непријатни сцени. Фотографиите до кои дојде нашата редакција сведочат за вистински вандализам врз природата – купишта отпад се расфрлани на повеќе локации покрај патот, со најголема концентрација во делот под месноста Марково Крувче.

„Вчера беше чисто, ова е направено преку ноќ“

Според сведоштвото на еден наш сограѓанин кој секојдневно рекреира на планината, ситуацијата е драстично променета во рок од само неколку часа.

„Вчера во попладневните часови поминав низ истиот пат и глетката беше вообичаена, немаше ваков хаос. Ова е дефинитивно направено во текот на вечерта. Неверојатно е како некој можел да дојде на планина и зад себе да остави толкава количина смет“, вели револтираниот граѓанин.

Што е оставено зад „посетителите“?

На фотографиите јасно се гледаат:

Пластични и стаклени шишиња;
Амбалажи од храна и остатоци од оброци;
Кеси полни со смет кои наместо во контејнер, завршиле во грмушките.

Апел за одговорност

И покрај бројните акции за чистење и апелите од надлежните служби и еколошките друштва, Водно и понатаму е жртва на поединци кои немаат основна култура за заштита на животната средина.

Граѓаните бараат засилени контроли од страна на комуналните инспектори и полицијата во текот на ноќните часови, како и поригорозни казни за оние кои планината ја третираат како депонија.

Да го чуваме Водно – тоа е единствениот „филтер“ за воздух што му остана на Скопје!