ЖИВОТОТ СТАНА ЛУКСУЗ ЗА РАБОТНИКОТ: Додека Мицкоски сонува за „економски сили“, народот гладува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЖИВОТОТ СТАНА ЛУКСУЗ ЗА РАБОТНИКОТ: Додека Мицкоски сонува за „економски сили“, народот гладува

13 мај 2026

• од Темелко Тошев

Во услови кога цените секојдневно растат, а платите не стигнуваат ни до половина месец, од политичката партија Левица алармираат дека економската реалност во Македонија сурово ги демантира владините декор-лаги. Најновите податоци за инфлацијата уште еднаш потврдуваат: состојбата воопшто не наликува на онаа „четврта економска сила во Европа“, како што Мицкоски се обидува да ја претстави во своите ПР-настапи.

Наместо ветената стабилизација, од Левица посочуваат дека граѓаните се соочуваат со нов бран поскапувања, кој најостро удира таму каде што најмногу боли – кај храната и основните производи.

Бројките не лажат: Инфлацијата го јаде семејниот буџет

Според анализите на Левица, базирани на податоците од Државниот завод за статистика, инфлацијата во април годинава изнесува 5,65%. Ова е повеќе од двојно од проектираната инфлација од 2,5%, што е јасен доказ дека цените растат со темпо кое обичниот човек не може да го издржи.

Партијата ги истакнува следните поразителни факти:

Храната и безалкохолните пијалоци поскапеле за 8% за само една година.
Во периодот од април 2022 до април 2026 година, кумулативната инфлација достигна фрапантни 36%.
Цените на храната во овој четиригодишен циклус се зголемени за 45,4%.

„Ова значи дека за истите производи што граѓаните ги купувале пред четири години, денес плаќаат речиси половина повеќе, додека платите и пензиите воопшто не го следат овој вртоглав раст“ – нагласуваат од Левица.

Десничарската власт нема план – само импровизации

Огромниот раст на цените на струјата, енергенсите и основните производи, според Левица, е доказ дека десничарската власт нема суштински план за справување со кризата. Наместо системска заштита на стандардот на граѓаните, партијата обвинува дека сме сведоци на краткорочни импровизации и празни пораки дека „економијата е стабилна“.

Од таму додаваат дека Владата свесно одбива да спроведе анти-инфлаторна стратегија. Наместо да ги заузда алчните трговци и да го ограничи профитерството преку маржите, таа дозволува товарот на кризата целосно да падне врз грбот на работникот.

Левица бара ИТНИ мерки за спас на стандардот

За да се запре економското тонење на народот, Левица инсистира на итно усвојување на пакет мерки кои ќе значат реален спас за граѓаните:

Ефикасна контрола и ЗАМРЗНУВАЊЕ на цените на сите основни прехранбени производи.
Зголемување на минималната плата во согласност со реалните трошоци за живот (синдикалната кошничка).
Целосна транспарентност и отчетност во монетарната и фискалната политика.

Од Левица се децидни: Без конкретни и праведни чекори, инфлацијата ќе продолжи да го гуши народот, а најголемата тежина ќе ја понесат најсиромашните и работниците.