Денес се празнува споменот на Светиот маченик Платон

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денес се празнува споменот на Светиот маченик Платон

02 декември 2025

• од Станча Јаќимовски

Православната црква денес го чествува Светиот маченик Платон — еден од најсветлите примери на храброст, вера и непоколеблива преданост кон Христа. Родум од градот Анкира во областа Галатија, тој беше роден и воспитан во духот на христијанското учење уште од детството.

Уште во раната младост, Платон се истакнуваше со својата духовна зрелост и примерен живот исполнет со добродетели. Тој не само што не се плашеше да ја исповеда својата вера, туку и јавно ја проповедаше, разобличувајќи ги идолопоклониците затоа што се поклонуваат на безживотни творби, наместо на единствениот жив и вистински Создател.

Судење и страдања

Неговата ревност за верата го доведе пред судот на началникот Агрипин, кој се обидуваше да го принуди да се откаже од Христа. Наместо да се исплаши, Платон го дочека со зборови што ќе одекнуваат низ вековите:

„Има две смрти — привремена и вечна, и два живота — едниот краток, другиот бесконечен.“

Овие мудри зборови го разгневија судијата, кој нареди светителот да биде подложен на страшни маки. Му ставаа усвитени железни ѓулиња на разголеното тело, му лупеа каиши од кожа, но Платон остануваше цврст, дури и храбро му довикуваше на својот мачител:

„Мачи ме уште посвирепо, за да се види твојата нечовечност и моето трпение!“

Кога Агрипин се обиде да го спореди со древниот философ Платон, заборавајќи дека името не ја определува верата, маченикот му одговори со духовна јасност:

„Јас се учам и поучувам на мудроста Христова, а неговата мудрост пред Бога е лудост.“

Трпение во затворот

Потоа бил фрлен во затвор, каде што поминал осумнаесет дена без храна и вода. Стражарите биле восхитени како е можно да живее толку долго во пост и глад, но тој им објаснувал дека неговата сила не доаѓа од земните нешта:

„Вие се храните со месо, а јас со молитви. Вас ве весели виното, а мене Христос, лозата вистинска.“

Овој одговор бил сведоштво дека човек кој живее во Духот Божји, дури и во најтешките услови не е оставен, туку духовно наситен и укрепен од благодатта.

Маченичката смрт и венецот на славата

На крајот, Светиот Платон бил убиен со меч околу 266 година, останувајќи до последниот миг верен на Христовото име. Со својата смрт го примил венецот на маченичката слава, станувајќи застапник и утеха за сите христијани што се борат против неправдата, стравот и искушенијата.