АА на Таравари бара предвремени избори: За Албанците тие се единствениот спас од ВЛЕН

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

АА на Таравари бара предвремени избори: За Албанците тие се единствениот спас од ВЛЕН

06 мај 2026

• од Тодор Вангелов

Алијансата за Албанците на Арбен Таравари побара од премиерот Христијан Мицкоски веднаш да иницира распишување предвремени парламентарни избори, оценувајќи дека тие се неопходни за деблокада на евроинтегративниот процес и за, како што велат, политичка одговорност на ВЛЕН.

Од партијата соопштија дека го поддржуваат и охрабруваат премиерот „што е можно поскоро“ да го свика Собранието со цел да се овозможи распишување предвремени избори.

„Алијансата за Албанците го поддржува и охрабрува премиерот на земјата што е можно поскоро да го свика Собранието за да свика предвремени парламентарни избори, со цел да се овозможи олеснување и деблокада на процесот на европска интеграција на земјата, кој е заложник на оваа влада“, се наведува во соопштението.

Според АА, за Албанците изборите се „единствениот спас“ од, како што ги нарекуваат, немоќните претставници на ВЛЕН, кои сериозно ги изневериле очекувањата на албанските граѓани.

Партијата обвинува дека ВЛЕН ја презел одговорноста за отстранување на балансерот и го заменил со, како што велат, „скандалозен закон за фер и соодветна застапеност“, со што биле спречени вистински реформи.

Од Алијансата за Албанците тврдат и дека ВЛЕН немал политичка моќ да овозможи полагање правосуден испит на албански јазик за албанските студенти, ниту пак го исполнил ветувањето за уставни измени.

„Иако самите лидери на ВЛЕН декларативно го поставија ова како услов за учество во владата, па дури и се заканија дека ќе ја напуштат владата доколку не се спроведат уставните измени, тоа не се случи. ВЛЕН дозволи деградација на албанскиот јазик во институциите и донесе институционално понижување за Албанците“, велат од АА.

Од партијата дополнуваат дека граѓаните секојдневно се соочуваат со високи цени, ниски плати и неизвесна иднина, што, според нив, принудило многу млади луѓе да емигрираат.

„Алијансата за Албанците постојано предупредува дека оваа влада, со ВЛЕН на власт, нема ниту политички капацитет ниту демократска волја достоинствено да ги претставува граѓаните, особено Албанците, и да ја движи земјата напред“, се наведува во соопштението.

Оттаму повикуваат на нови, слободни, фер и демократски избори, на кои граѓаните, како што велат, ќе можат самите да одлучат кому ќе му ја дадат довербата.

„Граѓаните треба да ја земат својата судбина во свои раце и со глас да ги казнат оние што ја изневериле нивната доверба со неисполнување на ветувањата, почнувајќи од ВЛЕН“, порачуваат од Алијансата за Албанците.