Бугарија испраќа јасна порака до Брисел за извештајот за Северна Македонија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бугарија испраќа јасна порака до Брисел за извештајот за Северна Македонија

05 мај 2026

• од Тодор Вангелов

Бугарските европратеници Ивајло Валчев и Станислав Стојанов упатија остри забелешки кон компромисните амандмани изготвени од известувачот за Северна Македонија во Европскиот парламент, Томас Вајц, оценувајќи дека тие создаваат „опасни преседани“ и го доведуваат во прашање кредибилитетот на европскиот процес на проширување.

Во нивните коментари, двајцата европратеници истакнуваат дека предложените компромиси повторно не ги одразуваат клучните прашања и „црвените линии“ содржани во повеќе од 100 амандмани поднесени од бугарските претставници во Европскиот парламент. Валчев (од групата Европски конзервативци и реформисти) и Стојанов (од Европа на суверени нации), кои се и известувачи во сенка за своите политички групи, ги испратиле своите забелешки директно до Вајц.

Според нив, делови од компромисниот текст не само што ги поткопуваат принципите на Европскиот парламент, туку и отстапуваат од политиките утврдени во преговарачката рамка меѓу Европската унија и Северна Македонија.

Нивната позиција е поддржана од сите бугарски членови на Европскиот парламент, кои испратиле заедничко писмо до известувачот, известувачите во сенка, координаторите за надворешни работи на политичките групи, како и до раководствата на тие групи.

Во писмото се нагласува дека прашањето не е само билатерално или поврзано со национални чувствителности, туку директно влијае врз интегритетот и предвидливоста на целиот процес на проширување на Европската унија.

„Ова не е едноставно прашање на национална чувствителност или билатерална грижа. Станува збор за интегритетот, предвидливоста и институционалниот кредибилитет на процесот на проширување на ЕУ“, се наведува во писмото.

Дополнително, бугарските европратеници предупредуваат дека евентуално „разводнување“ или политичка реинтерпретација на веќе договорени европски компромиси преку извештаи на Европскиот парламент може сериозно да ја наруши довербата во одлуките и обврските на Унијата.

Тие повикуваат нивните забелешки да бидат соодветно вклучени во конечните компромисни текстови кои ќе бидат ставени на гласање во Комитетот за надворешни работи, со цел да се избегнат нови институционални тензии и да се зачува политичкиот консензус околу извештајот и процесот на проширување.

Заедничката позиција е доставена и до највисоките институции во Бугарија, вклучително и претседателот на Народното собрание, претседателот на државата, премиерот и министерот за надворешни работи.