Зеленски ја обвини Москва за „краен цинизам“ по смртоносните руски напади врз Украина

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Зеленски ја обвини Москва за „краен цинизам“ по смртоносните руски напади врз Украина

06 мај 2026

• од Гоце Кически

Најмалку 26 лица загинаа во руски напади низ Украина во вторникот, соопшти Киев, додека претседателот Володимир Зеленски ја осуди Москва за „краен цинизам“ поради тоа што изведува смртоносни удари во пресрет на најавеното примирје за одбележување на 9 Мај — Денот на победата во Втората светска војна.

Според локалниот гувернер Иван Федоров, 12 лица биле убиени во руски воздушен напад врз јужниот град Запорожје. Зеленски, пак, соопшти дека најмалку пет цивили загинале откако Русија го нападнала центарот на источниот град Краматорск, последниот голем урбан центар во регионот Доњецк што е под контрола на Киев. Тој предупреди дека бројот на жртви може да се зголеми.

„Нападот погоди директно во центарот на градот, насочен кон цивили“, изјави украинскиот претседател.

Локалните власти пријавија жртви и во Днипро и Полтава.

Во понеделникот, Москва најави прекин на огнот за време на прославите по повод победата во Втората светска војна на 9 Мај, додека Киев соопшти дека ќе го запре огнот на 6 мај.

Парадата на 9 Мај традиционално претставува демонстрација на воена моќ, а од 2022 година Кремљ настојува симболично да ја поврзе советската победа над нацистичка Германија со инвазијата врз Украина. Сепак, годинава Москва нареди поскромна верзија на парадата, без прикажување воена техника, поради страв дека таа би можела да биде цел на украински напад.

„Краен цинизам е да се бара примирје за да се одржат пропагандни прослави, додека секој ден пред тоа се изведуваат ракетни и дронски напади“, рече Зеленски во реакција на нападите.

„Русија може да го прекине огнот во секој момент, и тоа би ја запрело војната и нашите одговори“, додаде тој.

Интензивирање на нападите

Во Русија, властите соопштија дека украински напад со дрон врз градот Чебоксари на Волга убил две лица. Регионалните власти наведоа дека 32 лица биле повредени откако дрон погодил станбена зграда, на стотици километри од Украина.

Киев во последните недели ги засили одмаздничките напади со долг дострел, погодувајќи повеќе руски нафтени постројки, како и луксузна висококатница во Москва. Украина ги опишува овие напади како оправдан одговор на речиси секојдневното руско бомбардирање на украинските градови со дронови и ракети.

Во текот на ноќта, руски напад во централниот регион Полтава уби четири лица — вработени во државната енергетска компанија Нафтогаз и спасувачи — што предизвика остри реакции во Киев.

„Двајца од загинатите беа спасувачи, убиени во подол двоен напад врз оние кои пристигнале да им помогнат на луѓето на местото на нападот“, изјави украинскиот министер за надворешни работи Андриј Сибиха, обвинувајќи ја Москва за „криминални тактики“.

Украинската државна служба за вонредни ситуации соопшти дека Русија истрелала четири ракети врз објектот по претходен удар со дрон, објавувајќи снимка од голема експлозија и пожар во постројката.