СДСМ: По поразот на Орбан се распаѓа регионалната криминална мрежа, Мицкоски брза кон избори

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: По поразот на Орбан се распаѓа регионалната криминална мрежа, Мицкоски брза кон избори

05 мај 2026

• од Стефан Николов

СДСМ преку соопштение за јавност изнесе обвинувања за наводна поврзаност меѓу политички структури во регионот, тврдејќи дека по поразот на Виктор Орбан започнува распад на, како што велат, „криминална мрежа“ градена со години.

Од партијата наведуваат дека во Унгарија веќе се отвораат истраги, додека во Србија, според нив, Александар Вучиќ подготвува предвремени парламентарни избори. Во истиот контекст, СДСМ го обвинува лидерот на ВМРО-ДПМНЕ, Христијан Мицкоски, дека „како послушен ученик“ ја следи истата стратегија.

„Зошто толкаво брзање? Затоа што во Будимпешта наскоро ќе започнат сериозни истраги кои директно ќе ги поврзат Орбан, Вучиќ и Мицкоски“, се наведува во соопштението.

СДСМ тврди дека во Северна Македонија постои значително медиумско влијание поврзано со Орбан, како и сомнежи за перење пари, користење на кинески кредити и нерегуларности во јавните тендери. Според партијата, евентуалните истраги би можеле да ги изнесат овие случаи на виделина.

Воедно, од СДСМ предупредуваат и на состојбата со државниот буџет, тврдејќи дека „веќе нема пари“ и дека Владата се задолжува секојдневно. Тие додаваат дека сценариото со предвремени избори се активира кога ќе се намалат средствата за, како што велат, „тендери и полнење на џебовите“.

Посебен акцент во соопштението е ставен на најавите на унгарскиот политичар Петер Маѓар, за кого СДСМ тврди дека најавил отворање на истраги. Според нив, токму овие најави предизвикуваат страв кај политичките лидери во регионот.

„Граѓаните јасно гледаат: ова не е политика за Македонија. Ова е политика за преживување на криминалната организација“, се додава во реакцијата.

СДСМ понатаму наведува дека на 9 мај, Денот на Европа, се очекува Маѓар да ја преземе власта во Унгарија, по што би следеле промени во судството и обвинителството. Партијата тврди дека ваквите процеси би можеле да имаат регионални последици, особено за, како што ги нарекуваат, „орбановиот балкански двоец Мицкоски – Вучиќ“.