Бранко Азески повика на обединување: Да станат Македонија и Албанија во една држава

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Бранко Азески повика на обединување: Да станат Македонија и Албанија во една држава

16 мај 2026

• од Темелко Тошев

Во рамките на Бизнис форумот РСМ – Албанија што се одржа во Скопје, претседателот на Стопанската комора, Бранко Азевски, упати силна и критичка порака до деловната заедница и државните институции, повикувајќи на итна и длабока економска интеграција меѓу двете земји со цел драстично зголемување на трговската размена.

Азевски не го криеше своето незадоволство од моменталната динамика на соработка, повлекувајќи паралела со нелегалните структури кои, според него, многу поагилно соработуваат во регионот.

„Би рекол дека ова е срам за бизнисмените. Криминалците се чекор пред нас. Тие многу подобро и поефикасно ги користат сите пропусти што ги прават и државата и бизнисот, и многу полесно воспоставуваат врски на Балканот, што не става нас на страната која практично е губитник во целиот овој процес“, изјави отворено Азевски.

Од 200 милиони до една милијарда евра размена

Првиот човек на Стопанската комора нагласи дека сегашните бројки во трговската размена меѓу Македонија и Албанија не го одразуваат реалниот потенцијал на двата пазари. За да се надмине оваа состојба, тој повика на радикално бизнис обединување кое ќе ги елиминира бирократските и сивите зони.

„Дајте да се обединиме, да ги затвориме дупките, да го легализираме прометот и да ги направиме Македонија и Албанија една држава и единствен ентитет кој ќе го подигне прометот од сегашните 207 милиони на една милијарда евра. Тоа е целта што мора да се оствари“, порача тој.

Потреба од итна акција

На форумот беше истакнато дека инфраструктурните проекти, како што е Коридорот 8, и олеснувањето на царинските процедури се клучни столбови кои мора побрзо да се реализираат. Бизнис заедницата бара конкретни чекори од владите на двете земји за создавање на заеднички пазар кој ќе биде поконкурентен и попривлечен за странски инвестиции, со што ќе се спречи понатамошниот одлив на капитал и човечки ресурси во нелегални текови.

Форумот уште еднаш ја потврди решеноста на стопанствениците да вршат посилен притисок врз креаторите на политиките, со цел Балканот да престане да биде терен каде сивата економија е побрза од легалниот бизнис.