ЕКОЦИД ВО ЦЕНТАРОТ НА СКОПЈЕ: Багери ги корнат последните дрвја кај „Рамстор“ за нова зграда

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ЕКОЦИД ВО ЦЕНТАРОТ НА СКОПЈЕ: Багери ги корнат последните дрвја кај „Рамстор“ за нова зграда

16 мај 2026

• од Темелко Тошев

Скопјани утрово се разбудија со уште една фрустрирачка слика од строгиот центар на градот. На социјалната мрежа „Х“ (поранешен Твитер) беа објавени фотографии од локацијата на доскорашниот паркинг наспроти трговскиот центар „Рамстор Мол“, каде што веќе се во тек интензивни подготовки за изградба на нова повеќекатница. На фотографиите јасно се гледа како тешката механизација и багерите немилосрдно ги корнат и кршат малкуте преостанати дрвја на оваа парцела.

Граѓаните револтирани: „Во делот каде дрво нема ни за лек, тие ги кршат и последните“

Реакциите на граѓаните на социјалните мрежи се бурни и полни со револт поради континуираното уништување на зеленилото на сметка на бетонизацијата.

„Во делот од градот каде дрво нема ни за лек сабајлево ги кршат дрвјата за новата зграда до Рамстор“, напиша Дарко Арсовски на својот „Х“ профил, споделувајќи ги свежите кадри од терен.

На неговата објава веднаш се надоврзаа и други граѓани кои секојдневно се соочуваат со последиците од ефектот на т.н. „урбани топлински острови“. Корисникот под псевдонимот „Prussian Blue“ сликовито го опиша пеколот со кој се соочуваат пешаците во овој дел од градот во текот на летните месеци:

„Летото (кога е најтоплото) кога ќе се помине во оваа околина пеш, не се издржува колку е топло. Неподносливо е. Една сенка нема... Се движиш како до печка“.

„Последната шајка во ковчегот на Скопје“

Дебатата на социјалните мрежи брзо се прошири и кон останатите најавени инфраструктурни и градежни проекти низ главниот град, за кои граѓаните сметаат дека дополнително ќе го задушат Скопје.

Во друг твит, профилот со псевдоним „Маршалот“ предупредува дека со ваквиот начин на планирање, главниот град го губи и последниот здив:

„Со касапење на МКБ (Митрополит Теодосиј Гологанов) и Цветан Димов ќе се закопа последната шајка од ковчегот на град Скопје“.

Урбанизација по секоја цена?

Овој простор во центарот на Скопје со години служеше како еден од најфреквентните паркинзи, но по неговото затворање и заградување, стана јасно дека градежната офанзива нема намера да запре.

Додека експертите и еколозите постојано алармираат за зголеменото загадување, екстремните летни температури и потребата од итни „зелени коридори“, реалноста на терен покажува дека профитот и бетонот сè уште имаат предност пред хуманото живеење и здравјето на граѓаните.