СДСМ: Лукровски бега за да не потпишува криминални документи, тендер-коалицијата на ВМРО-ДПМНЕ и ЗНАМ се распаѓа

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Лукровски бега за да не потпишува криминални документи, тендер-коалицијата на ВМРО-ДПМНЕ и ЗНАМ се распаѓа

09 мај 2026

• од Темелко Тошев

„Бродот што тоне“ е најдобриот опис за коалицијата на власт. Градоначалникот на општина Карпош, Сотир Лукровски, се повлекува од функцијата затоа што одбива да биде соучесник во криминалите на Мицкоски и неговата банда.

Од СДСМ денеска преку официјално соопштение алармираат дека повлекувањето на Лукровски не е случајно, туку е директна последица на притисоците за потпишување на сомнителни документи кои водат директно кон затвор.

Зошто се повлекува Лукровски?

Според информациите од СДСМ, градоначалникот не сака да ја преземе личната кривична одговорност за:

Спорни новоградби и бетонизација на Карпош;
Легализација на дивоградби спротивно на законите;
Сумнителни финансиски трансфери од општинската каса;
Директно фаворизирање на фирми блиски до врвот на ВМРО-ДПМНЕ.

„ВМРО-ОКГ очајнички се обидува да ја сокрие вистината тврдејќи дека станува збор за боледување. Но, вистината не може повеќе да се сокрие. Ова е јасен доказ дека целата тендер-коалиција помеѓу ВМРО-ОКГ и нивниот сателит ЗНАМ се распаѓа тотално и на сите нивоа“, велат од СДСМ.

Распадот на „сателитот“ ЗНАМ

Од опозициската партија посочуваат дека ЗНАМ, како формација создадена и финансирана од Христијан Мицкоски со единствена цел за слабеење на СДСМ, сега се соочува со сопственото исчезнување.

По заминувањето на пратеникот во Собранието и советничката во Прилеп, сега и кадрите на ВМРО почнаа да бегаат од бродот. Членовите на овие партии стануваат свесни дека правдата доаѓа.