Филипче: Мицкоски е најголемиот предавник што Северна Македонија го видела

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Филипче: Мицкоски е најголемиот предавник што Северна Македонија го видела

08 мај 2026

• од Гоце Кически

Претседателот на СДСМ, д-р Венко Филипче, вечерва во поткастот „Риштази“ остро ја критикуваше власта и премиерот Христијан Мицкоски, обвинувајќи ги за погрешни политики што, според него, ја зголемуваат сиромаштијата, го загрозуваат животниот стандард и ја изолираат државата.

Филипче рече дека граѓаните веќе ги чувствуваат последиците од актуелните политики, посочувајќи на економската несигурност, иселувањето и зголемениот интерес за бугарски пасоши како симптоми на, како што наведе, „страшна сиромаштија“.

„Граѓаните веќе чувствуваат сиромаштија, затоа што не можат да патуваат. Гледате што се случува на границите, колку луѓе бараат бугарски пасоши затоа што бараат работа и не можат да преживеат. Има страшна сиромаштија. Владата не се грижи за никого, нема никакви мерки за помош во оваа криза, луѓето не можат да преживеат“, изјави Филипче.

Тој го обвини Мицкоски дека „продава бајки“ кога тврди дека се бори за националните интереси.

„Христијан Мицкоски продава бајки дека се борел за националните интереси. Тој е најголемиот предавник што Северна Македонија го видела“, порача Филипче.

Во поткастот, лидерот на СДСМ оцени дека иднината и стабилноста на државата зависат од политиките на власта. Според него, актуелната власт нема намера да спроведе реформи ниту да ја придвижи земјата кон Европската Унија.

„Сè зависи од власта. Ако власта има намера да создава проблеми, проблеми ќе има. Ако власта нема намера да ја зајакнува државата, да прави реформи и да одиме кон Европа, тогаш нема да одиме напред“, рече Филипче.

Тој дополнително го критикуваше ставот на Мицкоски за уставните измени, оценувајќи дека таквата позиција е спротивна на стратешките и националните интереси на државата.

„Христијан Мицкоски експлицитно кажува дека нема да има уставни измени. Каков е тој предавник и на стратешките и на националните интереси на државата? Од каде му е тој политички, морален или каков било легитимитет?“, рече Филипче.