СДСМ Аеродром: Детските игралишта во општината се руинирани, оштетени и небезбедни

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ Аеродром: Детските игралишта во општината се руинирани, оштетени и небезбедни

06 мај 2026

• од Станча Јаќимовски

Детските игралишта во општина Аеродром се во лоша состојба, со оштетени реквизити, недоволно осветлување и сериозни безбедносни ризици за најмладите жители, обвини советничката група на СДСМ во Советот на Општина Аеродром.

Од СДСМ велат дека нередовното одржување и бавната реакција на општинските власти довеле до состојба во која голем дел од детските игралишта се небезбедни за користење. Според нив, игралиштата често се предмет на вандализам, но општината не презема навремени мерки за поправка и реконструкција.

Како најкритичен пример го посочуваат детското игралиште во паркот „Нирнберг“ во Ново Лисиче, каде, како што наведуваат, реквизитите со месеци стојат оштетени и претставуваат опасност за децата.

„Со неработењето на градоначалникот Дејан Митески и ВМРО во Општина Аеродром, ваква е сликата буквално на секое детско игралиште“, се наведува во реакцијата на СДСМ.

Од партијата тврдат дека нивната советничка група веќе неколку седници по ред укажува на потребата од реконструкција и редовно одржување на детските игралишта, но, според нив, општината или не реагира или реагира премногу бавно.

СДСМ јавно го прашува градоначалникот Митески што чека Општина Аеродром и дали е потребно прво да се повреди некое дете за надлежните да преземат конкретни мерки.

„Игнорирањето на овој проблем само потврдува дека безбедноста на децата е последна на општинската листа на приоритети“, велат од СДСМ.

Од советничката група бараат општината веднаш времено да го затвори за користење игралиштето во паркот „Нирнберг“ и да започне итна реконструкција на оштетените реквизити. Дополнително, бараат во најбрз рок да се изврши реконструкција на сите оштетени детски игралишта и сервисирање на осветлувањето.

„Безбедноста на нашите деца нема цена. Детската игра е важна алка во развојот на секое дете. Редовното одржување на детските игралишта мора да стане приоритет“, порачуваат од СДСМ Аеродром.

Тие додаваат дека секое дете има право на среќно детство и дека најмладите жители на општината заслужуваат функционални, безбедни и уредени детски игралишта.