СДСМ: Скопје е претворено во депонија, „72 часа“ беа евтин популизам

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Скопје е претворено во депонија, „72 часа“ беа евтин популизам

06 мај 2026

• од Тодор Вангелов

СДСМ денеска упати остра критика до градоначалникот на Скопје, обвинувајќи го дека не го исполнил ветувањето за брзо и ефикасно чистење на градот и дека главниот град е доведен во состојба на комунален хаос.

Од партијата велат дека состојбата во Скопје „не бара никакви политички анализи“, бидејќи, како што наведуваат, сликата на градот е доволно јасна — преполни контејнери, расфрлан отпад по улиците и тротоарите и сериозен ризик за здравјето на граѓаните.

„Скопје е претворено во депонија. Контејнерите претекуваат, ѓубрето е расфрлано по улиците и тротоарите, а Скопјани се принудени да се движат низ еколошка и здравствена бомба“, порачуваат од СДСМ.

Партијата го прашува градоначалникот каде, како што велат, исчезнало неговото ветување дека за 72 часа ќе го исчисти Скопје. Според СДСМ, токму тоа ветување било едно од клучните со кои ја побарал довербата од граѓаните.

Од СДСМ оценуваат дека наместо трајно решение, Скопје добило „спектакуларен пиар“, фотографии со лопати и метли за социјалните мрежи, но не и функционален систем за одржување на јавната хигиена.

„Системот целосно колабираше. Наместо реорганизација, ЈП Комунална хигиена е во хаос, а градот е оставен на милост и немилост“, се наведува во реакцијата.

Партијата предупредува дека со зголемувањето на температурите, проблемот со отпадот може да прерасне од естетски во сериозен здравствен проблем, особено во град со повеќе од половина милион жители.

„Кога чистењето трае 72 часа, тоа е акција, но кога ѓубрето се враќа по 72 часа, тоа е неспособност“, велат од СДСМ.

Од партијата додаваат дека граѓаните не плаќаат даноци за политички маркетинг, туку за основна јавна услуга — чист и функционален град.