СДСМ: Изјавата на Мицкоски за претепувањето жена е скандалозна и опасна

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Изјавата на Мицкоски за претепувањето жена е скандалозна и опасна

07 мај 2026

• од Гоце Кически

СДСМ остро ја критикуваше изјавата на премиерот Христијан Мицкоски, според која случајот со бруталното претепување жена од негов бодигард бил „мал престап“ и доказ дека „системот функционира“.

На прес-конференција, Розалија Ангелковска од Форумот на жени на СДСМ оцени дека ваквиот став е „скандалозен, опасен и недозволив“, бидејќи, како што рече, испраќа поразителна порака до сите жени-жртви на насилство во државата.

„За Мицкоски, семејното насилство и тепањето жена се мал престап. Наместо јасна осуда, тој избра да го минимизира делото и практично да застане во заштита на насилникот“, порача Ангелковска.

Од СДСМ обвинија дека со ваквите изјави власта создава впечаток дека луѓето блиски до неа се привилегирани и заштитени, дури и кога се поврзуваат со сериозни кривични дела. Партијата ја прошири критиката и кон министерот за внатрешни работи Панче Тошковски, барајќи негова итна оставка.

Ангелковска наведе повеќе случаи на насилство, убиства, врсничко насилство, криминал и безбедносни скандали, оценувајќи дека Македонија станала држава во која „насилството е нормализирано, а одговорност нема“.

„По сите овие скандали, по целосниот распад на безбедносниот систем и по срамната изјава на Мицкоски, Панче Тошковски нема никаков кредибилитет да остане министер. Оставка од Тошковски веднаш“, порача СДСМ.