СДСМ обвинува: Анализите за водата во Гостивар доцнат, а граѓаните се изложени на ризик

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ обвинува: Анализите за водата во Гостивар доцнат, а граѓаните се изложени на ризик

06 август 2026

• од Гоце Кически

СДСМ обвини дека Владата несоодветно управува со состојбата со водоснабдувањето во Гостивар и побара одговорност поради, како што наведуваат, доцнењето на анализите за квалитетот на водата за пиење.

Од партијата велат дека министерот Клековски најавил оти резултатите од анализата на водата ќе бидат објавени до 20 август, иако, според нив, граѓаните со месеци се соочуваат со проблеми, а во градот има епидемија на жолтица.

СДСМ прашува како претходно можело да се тврди дека водата е „технички исправна“ ако конечните анализи сè уште не се готови. Во соопштението се наведува дека министерот за внатрешни работи Панче Тошковски препорачал хиперхлорирање и испуштање на водата, додека директорот на Дирекцијата за заштита и спасување Стојанче Ангелов, според партијата, потврдил присуство на опасна бактерија.

Опозициската партија тврди и дека состојбата се одразува врз работата на болницата во Гостивар, при што дел од пациентите се префрлаат во Тетово. Според СДСМ, во гостиварската болница има недоволен број медицински кадар за справување со состојбата.

Во соопштението, СДСМ упатува остри критики кон премиерот Христијан Мицкоски и членовите на Владата, обвинувајќи ги за неодговорно постапување и барајќи тие да сносат одговорност за ситуацијата.