СДСМ: Професорката Гордана Сиљановска-Давкова падна на испит во Словенија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Професорката Гордана Сиљановска-Давкова падна на испит во Словенија

20 мај 2026

• од Темелко Тошев

Од Социјалдемократскиот сојуз на Македонија (СДСМ) упатија остри критики до претседателката Гордана Сиљановска-Давкова за нејзиниот настап во Словенија, оценувајќи дека таа целосно паднала на испитот по уставно право и дипломатија.

Според партијата, наместо јасно и недвосмислено да ја потврди европската обврска и да каже дека внесувањето на малцинствата во Уставот е единствениот пат за заштита на македонскиот идентитет и јазик, Сиљановска-Давкова во Словенија продолжила со празна реторика која директно ја слабее позицијата на државата.

„Прво ќе беше посоодветно да каже, исто како што кажа и за Преспанскиот договор, дека преговарачката рамка за влез во ЕУ – од која е дел и францускиот предлог – дури повеќе од Преспанскиот договор го осигурува македонскиот идентитет како посебен народ и македонскиот јазик како негова клучна одредница. Тоа се постигнува токму со внесување на бугарското малцинство во Уставот на Македонија“, реагираат од СДСМ.

Разочарувачки слабо толкување од професорка по уставно право

Од СДСМ посочуваат дека е недозволиво професорка по уставно право да покажува толку слабо познавање на материјата и да раскажува пред меѓународната јавност како македонскиот Устав предвидува права на малцинствата „општо“, за разлика од уставите на други земји. Од партијата нагласуваат дека ваквите изјави се само празна реторика.

Правната реалност е поинаква: Уставот и правниот систем ефективно ги препознаваат и реализираат правата само на оние малцинства кои се наведени во неговата Преамбула.
Конкретен пример: Соодветната застапеност или употребата на јазикот (како колективни права) не се применуваат за Кинези, Естонци или други, туку исклучиво за малцинствата наведени во Преамбулата.

Од СДСМ не го кријат разочарувањето од ваквото толкување на правата на малцинствата и на македонскиот Устав од страна на Сиљановска-Давкова.

Внатрешна пропаганда на штета на европската иднина

Социјалдемократите предупредуваат дека ваквото однесување директно ја слабее македонската позиција пред Европа и им дава аргументи на сите оние структури кои сакаат да ја блокираат европската иднина на земјата.

Од СДСМ обвинуваат дека ВМРО-ДПМНЕ и Сиљановска продолжуваат да ја злоупотребуваат темата за малцинствата за евтина внатрешна пропаганда, наместо да работат на решавање на европските обврски. Владејачката партија, според СДСМ, свесно ја држи вратата кон ЕУ затворена за да си ги заштити сопствените интереси од правда и одговорност.

„Малцинствата во Уставот не се закана, туку решение. Решение за напредок кон Европа и зајакнување на македонскиот идентитет“, децидни се од СДСМ.