СКАНДАЛ: Портал Х објави список на „купени“ навивачи на власта кои цицаат илјадници евра од Лотарија без да одат на работа!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СКАНДАЛ: Портал Х објави список на „купени“ навивачи на власта кои цицаат илјадници евра од Лотарија без да одат на работа!

13 јуни 2026

• од Темелко Тошев

Нов мега-скандал ја тресе македонската јавност. „Портал Х“ објави шокантни информации и ексклузивен список на лица кои се наводно на платен список на Државната лотарија, а служат како „купени“ навивачи и поддржувачи на актуелната власт. Според објавените податоци, десетици лица редовно добиваат високи месечни хонорари, иако воопшто не се појавуваат на работното место, ниту пак извршуваат некакви работни задачи за институцијата.

Кој сè се наоѓа на скандалозниот список?

Според истражувањето на „Портал Х“, на листата до која дошле се наоѓаат вкупно 37 лица, кои секој месец редовно на своите банкарски сметки инкасираат по 45.000 денари. Меѓу нив се наоѓаат звучни имиња од јавниот живот, но и блиски роднини на раководните лица во самата институција:

Познат универзитетски професор и екс-декан на Правниот факултет;
Актуелни советници од редовите на владејачката партија;
Познати новинари;
Првиот човек на македонскиот огранок на „Транспаренси Интернешнл“;
Сестрата на директорот на правната служба на Лотарија;
Братот на заменик-директорот на Лотарија;
Синот на раководителката на секторот за јавни набавки.

Фантомски работници и фиктивно куцање картички

Последната трансакција кон овие лица, според информациите на порталот, била извршена на 3-ти овој месец. Скандалот добива на тежина со сведоштвата дека за овие „фантомски“ соработници била разработена цела шема на фиктивно присуство. Имено, редовно вработени лица во Лотарија биле посебно задолжени секој ден да ги отчукуваат нивните картички за евиденција на работното време, за да се создаде привид дека тие навистина доаѓаат на работа.

Тарифата на „Белата палата“: Хонорари и до 90.000 денари?

Се чини дека овој список е само врвот на ледениот брег. Во јавноста веќе наголемо се шпекулира дека објавената листа од 37 лица не е единствената база на платени „љубители“ на власта.

Според неофицијалните шпекулации, износот од 45.000 денари не е фиксен за сите. Месечните хонорари за купување наклонетост наводно варираат од 30.000 до 90.000 денари, а тарифата зависи исклучиво од „габаритот“, влијанието и лојалноста на личноста која одлучила да стане отворен поддржувач на политиките на „Белата палата“.

Се чека одговор од директорот Климовски

По објавувањето на овие фрапантни податоци за сомнежи за испумпување на државни пари, „Портал Х“ најави дека веќе се обратиле до раководството на институцијата. Прашањата за легитимноста на овие исплати и барањето за објаснување на овој скандал се директно упатени до генералниот директор на Лотарија на Македонија, Климовски, од кого се очекува официјален одговор.