Американски конгресмен и бугарската министерка разговараа за безбедноста, Русија и растечкото влијание на Кина во Србија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Американски конгресмен и бугарската министерка разговараа за безбедноста, Русија и растечкото влијание на Кина во Србија

22 септември 2026

• од Димитар Стојановски

Американскиот конгресмен Џо Вилсон изјави дека со бугарската министерка за надворешни работи Велислава Петрова разговарал за енергетската безбедност, руската закана и растечкото кинеско технолошко влијание во Европа, со посебен осврт на Србија.

По средбата во Њујорк, Вилсон порача дека е загрижен поради присуството на технологии поврзани со Комунистичката партија на Кина, кои, според него, властите на српскиот претседател Александар Вучиќ ги внесуваат во Европа. Вилсон и претходно јавно ги критикуваше врските на Белград со Кина и Русија.

Србија во изминатите години развиваше тесна економска и технолошка соработка со Кина, вклучително и употреба на кинески системи за видеонадзор. Овие технологии предизвикуваат загриженост кај дел од западните претставници и организациите за човекови права поради можната употреба за масовен надзор.

Бугарското Министерство за надворешни работи соопшти дека на средбата биле разгледани стратешкото партнерство меѓу Бугарија и САД, соработката во безбедноста и одбраната, како и можностите за посилен политички и економски дијалог. Петрова нагласила дека двете земји се сојузници и стратешки партнери.