Ина: Општина Кратово побрза да се претстави како жртва... Еј, институција и градоначалник избран од народот!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ина: Општина Кратово побрза да се претстави како жртва... Еј, институција и градоначалник избран од народот!

09 јуни 2026

• од Темелко Тошев

Откако во јавноста одекна веста дека поединци диво наплаќале за влез во природниот феномен „Камени Кукли“, социјалните мрежи зовреа. Граѓаните се во неверување како е можно со години неколку луѓе да малтретираат туристи, додека локалните моќници креваат раменици.

МВР знаело уште во 2024 година, институциите си ја префрлаат топката

Дека проблемот не е од вчера, потврдија и од Министерството за внатрешни работи. Од таму за „Скопје Инфо“ посочија дека случајот бил пријавен во ОВР Кратово уште во 2024 година, по што до Основното јавно обвинителство Куманово било испратено известување за преземени мерки.

Но, додека предметите скапуваат по фиоки, на терен „бизнисот“ со узурпација си терал без проблем.

Ина Многуфина: „Попаметниот попушта“ – фолклор на институционален кукавичлук

На ваквиот заспан систем брутално искрено реагираше познатата инфлуенсерка Ина Многуфина. Таа во својот Фејсбук статус директно удри по Општина Кратово и нивното „перење раце“ од одговорноста.

„Побрза Општина Кратово да се претстави како жртва во случајот со узурпација, демек еве ние пуштивме кривична ама они жалба и ете чекаме, ние нашето го завршивме, а оние со години наплаќаат и никој ништо не превземал да ги заштити граѓаните. Демек на ДПИ, УЈП и други институции не можеле да се јават? МВР не можело да се алармира на повисоко ниво?“ – прашува Ина.

Таа повлече паралела и со Општина Крива Паланка, посочувајќи дека локалните власти се однесуваат како да се немоќни пред неколку проблематични фамилии кои го малтретираат населението. „Ко да имаме фолклор на попуштање на тие што прават глупости“, додава таа.

Двојни аршини: За моќните страв, за обичниот граѓанин – казна во секунда!

Ина Многуфина во својата реакција ја отвори Пандорината кутија и за други институционални фејлови кои деновиве ја брануваат јавноста – од лажните млечни декларации до „фантомските“ вработени во ИЈЗ кои не оделе на работа, а земале плата.

Агенција за храна и ветеринарство (АХВ): „Им се плаши на тие што шиткаат со лажни декларации да не им стегнат тужба.“
Институт за јавно здравје (ИЈЗ): „По институции работат луѓе што не идат на работа ама сами си отишле, ете останале уште 2-3 во ИЈЗ џанам, тоа е добра вест.“

„Од друга страна, некој што никого не малтретира, што пази на се, се обидува да се вклопи во сите промени, закони, казни, да закасни со нешто месец-два – ќе му се натоварат институции за секунда. Ама молим те, булињата да не ги закачаме, знаеш, попаметниот попушта“, иронично коментира таа.

Срамот на локалната власт: „И нас не ни даваат да влеземе“

Заклучокот е поразителен. Да не се социјалните мрежи за да се крене врева, јавноста немаше ни да знае колку се инертни локалните моќници. Најскандалозен, сепак, останува обидот на Општината да изиграва немоќна жртва.

„Ама чим излезе веста ете сите се жртви и они се направиле ама на друго место се чека. Општина Кратово изјави 'и нас не не пуштаат да влеземе'. Со цел памет кажаа такво нешто, еј институција и градоначалник избран од народот!“, поентира Ина во својата објава.

Останува прашањето: Ако Општината и градоначалникот креваат раце пред локални насилници, кој треба да ги заштити граѓаните и туристите? Изгледа, во оваа држава, законот важи само за оние кои решиле да бидат чесни.