Ивон Величковски: Зад секоја преполна дискотека и нелегална коцкарница стојат врски градени со благослов од власта

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Ивон Величковски: Зад секоја преполна дискотека и нелегална коцкарница стојат врски градени со благослов од власта

02 јуни 2026

• од Темелко Тошев

Политичарот и аналитичар Ивон Величковски во своето гостување во подкастот Почетна пресметка упати остри критики кон двете најголеми политички партии во земјава, ВМРО-ДПМНЕ и СДСМ, обвинувајќи ги за долгогодишно премолчување и замижување пред нелегалните структури и странските влијанија во државата.

Величковски посочи дека нелегалните објекти кои собираат илјадници луѓе, како и аферите со автомати за нелегални коцкарници, не би можеле да функционираат доколку некој од системот претходно не им го овозможил тоа. Според него, врските на несанкционирање на ваквите незаконски појави се градени со години и некој свесно прогледувал низ прсти уште пред да се отворат спорните објекти.

Тој повлече директна паралела меѓу организираниот криминал од минатото и денешните дигитални закани. Величковски објасни дека по разбивањето на таканаречената Франкфуртска мафија, нејзините структури се распоредиле во градовите од Велес, преку Кочани, па сè до Делчево. Токму во истите тие градови, како што нагласува тој, подоцна се појавиле руските бот фарми кои преку социјалните мрежи интензивно се обидуваат да влијаат врз јавното мислење и да го менуваат расположението на граѓаните.

Во однос на одговорноста на политичките елити, тој беше дециден дека ниту ВМРО-ДПМНЕ ниту СДСМ не можат да се амнестираат со оправдување дека не биле запознаени со овие случувања. Величковски потенцираше дека во изминатите 25 години функционирање на владите под нивна управа, апсолутно било невозможно вакви сериозни процеси да останат незабележани од страна на власта. На крајот, тој порача дека со ваквите изговори грубо се потценува интелигенцијата на јавноста, која веќе не може да го толерира тврдењето дека институциите ништо не знаеле.