КСЗД утврди дискриминација: слепо лице секоја година го докажувало слепилото

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

КСЗД утврди дискриминација: слепо лице секоја година го докажувало слепилото

04 октомври 2026

• од Гоце Кически

Комисијата за спречување и заштита од дискриминација утврдила директна дискриминација врз целосно слепо лице, кое било принудувано повторно да ја докажува својата трајна здравствена состојба, а притоа му била намалена и месечната помош.

Како што објави СДК.мк, тројца лекари специјалисти од стручна комисија во здравствена установа во Скопје повеќепати го повикувале лицето на контролни прегледи, иако слепилото на двете очи е трајна и непроменлива состојба.

На лицето му била намалена помошта од 6.342 на 5.610 денари, откако му била определена помош и нега од друго лице во помал обем. Тој го пријавил случајот до Комисијата за спречување и заштита од дискриминација, која утврдила дискриминација врз основа на попреченост во областа на социјалната сигурност.

Според СДК.мк, лицето посочило дека други граѓани со иста дијагноза, меѓу кои и неговата сопруга, со децении ја добиваат помошта без да бидат упатувани на повторни контролни прегледи.

Комисијата за спречување и заштита од дискриминација препорачала да се изврши нова проценка согласно законот и да се преиспита потребата од дополнителни контроли, имајќи предвид дека здравствената состојба е трајна.

Министерот за здравство Сашо Клековски на 30 септември најави измени во начинот на работа на комисиите за туѓа нега и мобилност. Една од можните промени е медицинската документација директно да се презема преку системот „Мој Термин“, наместо пациентите сами да ја носат од институција до институција.

„Податоците веќе постојат во системот. Треба да патуваат податоците, а не пациентот“, изјави Клековски.