Родителите од Кочани бараат над 10 рочишта месечно и јасни одговори за истрагите поврзани со „Пулс“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Родителите од Кочани бараат над 10 рочишта месечно и јасни одговори за истрагите поврзани со „Пулс“

04 октомври 2026

• од Гоце Кически

Семејствата на жртвите од пожарот во „Пулс“ на 50. „Марш на ангелите“ во Кочани повторно побараа правда, почести судски рочишта и јасни одговори од Обвинителството за постапките поврзани со случајот.

Како што пренесе Радио Кочани, Александар Наунов во своето обраќање рече дека семејствата се собрале на место каде што нивните деца растеле, се смееле и живееле, а денес нивното отсуство се чувствува насекаде.

„Секој наш чекор денес е чекор за нив, чекор за правда“, рече Наунов.

Тој се осврна и на информациите дека одбраната на обвинетите предложила повеќе од 200 сведоци. Наунов праша дали бројот на сведоци може да ја избрише трагедијата или материјалните докази.

„Не бараме пресуда од улица, бараме чиста правда и судење без одолговлекување“, порача тој, според Радио Кочани.

Семејствата побараа судењето да биде поинтензивно, со повеќе од десет рочишта месечно. Тие бараат расправите да се закажуваат редовно, а секое одложување да биде јасно и јавно образложено.

„Нашите насилно убиени деца нема да се вратат, но правдата за нив веќе доцни. Секое тактизирање и купување време само ја продлабочува нашата болка“, рече Наунов.

На маршот се обрати и мајката на Јорданчо Џамов, која се осврна на новиот 30-дневен притвор определен за Дејан Јованов поради сомнение за давање поткуп поврзано со истрагата за пожарот во „Пулс“.

Во изјавата што ја пренесе Радио Кочани, таа реагираше и на тврдењата на адвокатката на Јованов, која го претставила својот клиент како невин и ја оспорила истрагата.

Мајката на Џамов нагласи дека постапката за пожарот и истрагата за сомнение за поткуп се различни кривични постапки и дека евентуалното преклопување на дел од околностите не значи дека сомненијата за други кривични дела не треба да бидат испитани.

Семејствата побараа од Обвинителството јавно да соопшти до каде се постапките по повеќе сомненија кои, според нив, произлегле од доказите и досегашното судење.

Тие побараа информации за сомненија за даночно затајување, можни неправилности со лиценци и документи, како и за постапки поврзани со сомненија за поткуп и противзаконско влијание врз вработени во Управата за јавни приходи.

Беа побарани и одговори за предистражните постапки поврзани со Управата за јавни приходи и Државниот инспекторат за труд.

„Не бараме пресуда преку јавноста, бараме институциите да постапуваат и да даваат одговори. Правдата треба да важи за сите“, порача мајката на Јорданчо Џамов, пренесе Радио Кочани.