Матурантите годинава со нов предизвик: Ќе се полагаат три типа матурски испити, стартот е идната сабота

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Матурантите годинава со нов предизвик: Ќе се полагаат три типа матурски испити, стартот е идната сабота

29 мај 2026

• од Темелко Тошев

Идната сабота, повеќе од 14.500 средношколци од генерацијата 2025/2026 година ќе се соочат со првиот екстерен испит од државната матура. За првпат, процесот ќе се спроведе според нови правила и ќе опфати три различни типа на матурски испити.

Во согласност со последните измени на Законот за средното образование, годинашните матуранти ќе полагаат државна матура, државна стручна матура или државна уметничка матура. За секој предмет се изработени посебни испитни програми, кои се темелат на совладаниот материјал од четиригодишната настава.

Фер услови и еднакви шанси за сите

Директорката на Државниот испитен центар (ДИЦ), Даниела Јовчевска-Михајловска, нагласува дека институцијата е целосно подготвена за успешна реализација на новиот матурски концепт.

„Целта ни е сите ученици да имаат еднакви услови и фер полагање. Во согласност со новата Концепција, изработени се посебни тестови за секој вид матура. Организацијата бара поголем ангажман, но подготвени сме да одговориме на предизвикот“, изјави Јовчевска-Михајловска.

Избор меѓу класична и профилирана матура

Според податоците од ДИЦ, од вкупно 14.587 пријавени кандидати, најголемиот дел ќе ја полагаат класичната државна матура. Она што е карактеристично за оваа година е можноста што им беше дадена на учениците од стручните и уметничките училишта – тие имаа право самите да изберат дали ќе полагаат класична државна матура или матура профилирана според нивната образовна насока (стручна, односно уметничка).

Календар на полагање

Сите испити ќе започнуваат точно во 09:00 часот наутро. Проверката на знаењето ќе се одвива според следниот распоред за екстерните испити:

6 јуни (сабота) – Изборен екстерен предмет:
- Државна матура: Странски јазик или математика.
- Државна стручна матура: Англиски јазик или математика.
- Државна уметничка матура: Англиски јазик или историја.
11 јуни (четврток) – Задолжителен мајчин јазик: (Македонски, Албански, Турски или Српски јазик) за кандидатите кои полагаат класична државна матура.
12 јуни (петок) – Задолжителен мајчин јазик: За кандидатите кои полагаат стручна и уметничка матура.