Повеќе починати отколку родени и помалку бракови во првите три месеци од годината

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Повеќе починати отколку родени и помалку бракови во првите три месеци од годината

29 мај 2026

• од Темелко Тошев

Демографската слика на Северна Македонија продолжува драстично да се влошува, а државата сè повеќе се соочува со тренд на намалување на населението, покажуваат најновите статистики на надлежните институции.

Во текот на првото тримесечје од оваа година, родени се 3.380 деца, што претставува намалување на наталитетот за 4,1 отсто во споредба со истиот период минатата година.

Наспроти ова, стапката на смртност останува значително повисока од бројот на новородени. Во истите три месеци, бројот на починати лица достигнал 5.342, со што продолжува трендот на негативен природен прираст. Паралелно со овие податоци, статистиката бележи и пад на бројот на склучени бракови.

Континуираната разлика меѓу бројот на родени и починати остава сериозни последици врз вкупниот број на население. Според податоците кои ги објави Државниот завод за статистика (ДЗС), бројот на жители во државата е намален за околу 14.500 лица во временски период од само три години.

Ваквите алармантни бројки јасно покажуваат дека Северна Македонија веќе навлезе во групата на држави со диспропорционално голем број на пензионери и сè помалку новороденчиња. Оваа состојба дополнително го продлабочува демографскиот ризик во државата, што во блиска иднина може да прерасне во сериозен социо-економски предизвик.