Митко Георгиев: 9 милиони наркомани и 5 милиони алкохоличари има во Русија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Митко Георгиев: 9 милиони наркомани и 5 милиони алкохоличари има во Русија

29 мај 2026

• од Темелко Тошев

Во најновото гостување во поткастот „Почетна пресметка“, Митко Георгиев изнесе низа шокантни статистички податоци за реалните услови за живот во Руската Федерација. Тој преку конкретни бројки директно ги прозва домашните анти-западни пропагандисти кои, критикувајќи ги Европската Унија и НАТО, се обидуваат да ја наметнат Русија како некаков идеал за македонското општество.

Живот без вода, канализација и слобода на движење

Георгиев во своето излагање направи детална деконструкција на митот за руската моќ, фокусирајќи се на основните услови за живот на обичниот граѓанин. Според неговите зборови, од вкупно 148 милиони жители:

29 милиони луѓе живеат без основно водоснабдување.
35 милиони луѓе немаат пристап до канализација.
78 милиони (речиси две третини) се без пристап до интернет.
90 милиони луѓе не поседуваат сопствен автомобил.
110 милиони луѓе никогаш ја немаат напуштено државата, а голем дел од нив никогаш не патувале ниту од еден во друг град.

Застрашувачка статистика за здравјето и криминалот

Покрај инфраструктурната и економската изолација, Георгиев изнесе и поразителни податоци за здравствената слика и безбедноста во Руската Федерација. Тој истакна дека во земјата има 5 милиони регистрирани алкохоличари и 9 милиони регистрирани зависници од дрога.

„Милион луѓе се уште туберкулозно болни, а два и пол милиони во Руската Федерација се болни од ХИВ вирусот“, потенцираше Георгиев во „Почетна пресметка“.

Тој додаде дека Русија држи неславни светски рекорди, наоѓајќи се на првото место во светот по организирани убиства, самоубиства, напуштени деца, употреба на хероин, како и трговија со човечки органи.

Македонскиот граѓанин не подлегнува на пропагандата

Осврнувајќи се на домашната политичка сцена, Георгиев упати остра критика кон одредени структури кои секојдневно шетаат по македонските медиуми. Тој посочи дека овие луѓе свесно ја игнорираат оваа мрачна реалност, додека истовремено шират реторика против западните сојузи.

„Сакаат ова да ни го пласираат, а зборуваат против Европската Унија и НАТО. Но, покрај сето тоа, македонскиот човек не паѓа под нивно влијание. Па тие колку сакаат нека зборуваат“, заклучи Георгиев, изразувајќи доверба во капацитетот на македонскиот народ да ја препознае вистината и да не подлегне на евтини манипулации.