Надежда Нејнски: Разоружувањето на Хезболах е клучен елемент за мир на Блискиот Исток

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Надежда Нејнски: Разоружувањето на Хезболах е клучен елемент за мир на Блискиот Исток

08 јуни 2026

• од Темелко Тошев

Разоружувањето на Хезболах е клучен елемент кој е директно поврзан со перспективите за постигнување мир на Блискиот Исток, смета поранешната бугарска министерка за надворешни работи, Надежда Нејнски. Таа воедно нагласува дека безбедноста и стабилноста на Европската Унија се тесно и директно поврзани со безбедноста на Украина.

Во гостувањето во емисијата „Твојот ден“ на телевизијата НОВА, Нејнски истакна дека во период кога активно се бара примирје, секоја нова ескалација на теренот дополнително го оддалечува тој процес.

„Израелските лидери повеќепати ја нагласија важноста на две клучни цели – спречување на создавање нуклеарно оружје и разоружување на Хезболах. Очигледно е дека САД не се чувствуваат пријатно со ескалацијата меѓу двете држави, бидејќи тоа создава огромен проблем во и онака проблематичното барање решение за конфликтот“, коментираше поранешната шефица на дипломатијата.

Политичките маневри на Радев

Осврнувајќи се на актуелните потези на бугарската власт во врска со американските авиони на софискиот аеродром и условувањето поврзано со американските визи за граѓаните на Бугарија, Нејнски оцени дека станува збор за две целосно неповрзани прашања. Според неа, целата актуелна реторика е исклучиво насочена кон гласачкото тело на претседателот Румен Радев.

„Веќе преземените меѓународни обврски од страна на Бугарија не можат толку едноставно да бидат прекршени или раскинати. Затоа Радев го започна овој маневар, во обид да најде некаков баланс помеѓу очекувањата на своите гласачи и меѓународните обврски на државата“, потенцираше таа.

Европа на преговарачка маса, но не за капитулација на Украина

Коментирајќи ја војната меѓу Русија и Украина, Нејнски подвлече дека безбедноста на Европската Унија е нераскинливо поврзана со судбината на Украина.

„Не случајно Европската Унија е толку категорична во својата поддршка. Кога се зборува дека Европа треба да биде дел од преговарачката маса, нема ништо пологично од тоа, имајќи предвид дека Украина е европска држава која аплицира за членство во ЕУ. Европа е подготвена да седне на преговарачката маса, но не за да разговара за капитулација на Украина, туку исклучиво за поддршка на нејзината независност и територијална безбедност“, категорично заклучи Нејнски.