„Рокот е истечен“: Еколозите бараат Владата итно да ги поништи концесиите за „Иловица“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

„Рокот е истечен“: Еколозите бараат Владата итно да ги поништи концесиите за „Иловица“

29 јуни 2026

• од Темелко Тошев

Група еколошки организации и иницијативи упатија заедничко барање до Владата за итно и целосно поништување на концесиите за рудникот „Иловица – Штука“. Повикувајќи се на истечени законски рокови и десетгодишниот отпор на локалното население, тие предупредуваат дека нема да прифатат никакво друго решение освен конечно запирање на овој проект.

Законските рокови се пробиени уште во 2016 година

Во своето соопштение, екологистите посочуваат дека правните аргументи се на нивна страна и дека рокот за добивање дозвола за експлоатација е одамна изминат.

„Членот 54 од Законот за минерални суровини е јасен. Рокот за дозвола за експлоатација е четири години за металични суровини. Концесијата е од 2012, а рокот истекол во 2016. На 21 јули 2016, последниот законски ден, „Еуромакс“ поднеле барање за дозвола. Ова не се наши тврдења. Ова се нивни документи и вашите документи“, се наведува во дописот до јавноста и до институциите.

Единствен став: Поништување, а не повторна постапка

На заедничкиот состанок одржан во Струмица на 27 јуни 2026 година, организациите од Југоисточниот регион, но и од другите делови на државата, усвоиле резолутен став. Од Владата се бара во разумен рок, на владина седница, конечно да ја разреши ситуацијата со концесиите на компанијата „Еуромакс Ресурси“.

Активистите нагласуваат дека Владата мора да постапи согласно изразениот став на народот кој веќе една деценија се бори против, како што го нарекуваат, „рудникот на смртта“.

Главното барање: Владата ДА ГИ ПОНИШТИ концесиите за рудникот и да го ослободи општеството од долгогодишната тензија. Еколозите децидно нагласуваат дека бараат поништување, а не враќање на предметот на повторна постапка.

Според нив, извршната власт ги има на располагање сите правни основи, механизми и целосната јавна поддршка за да стави крај на проектот кој, според нивните тврдења, ја загрозува не само Струмичката Котлина, туку и целата држава.

Најава за сеопшт граѓански отпор

Доколку институциите не постапат по нивното барање, еколошките здруженија најавуваат радикализација на борбата.

„Во спротивно, во догледен рок, ќе повикаме на сеопшт, сееколошки и сеграѓански отпор генерално против рудниците на смртта и другите облици на загрозување на природата, околината и здравјето. Ние немаме никакви други амбиции освен сопирање на погубниот проект“, предупредуваат активистите.

Тие упатија и апел до сите останати еколошки и граѓански организации во државата, како и до граѓаните, да се солидаризираат со нивното барање, надминувајќи ги политичките и партиските поделби. Од Владата, пак, очекуваат „здрав разум и конечна одлука во полза на јавниот интерес и иднината на поколенијата“.

Потписници на заедничкото барање се: