30 јуни 2026
• од Темелко Тошев
Генералниот секретар на ДУИ, Арбр Адеми, на денешната прес-конференција пред новинарите истакна дека партијата навреме алармирала за Законот за правична застапеност, кој тој го оквалификува како „Закон на Каракамишева“.
Според Адеми, овој предлог-закон е на штета на досегашните уставни механизми и нема да донесе никаква суштинска промена или подобрување на состојбата.
„Ние навреме укажавме дека овој Закон (за правична застапеност) е на Каракамишева и истиот целосно го минира, односно го блокира Амандманот 6 од Уставот за правична и соодветна застапеност. Држете ме за збор – ако се усвои овој закон, а ние ќе направиме сè што е во наша моќ за да не се донесе, состојбата нема воопшто да се промени во однос на сегашната состојба кога немаме закон. Значи, денес немаме закон, немаме етнички гласови... но дури и да се донесе, ништо нема да се промени“, изјави Адеми.
Тој најави дека Демократската унија за интеграција (ДУИ) ќе ги искористи сите расположливи собраниски механизми за да го блокира донесувањето на овој закон.
„Затоа, максимално ќе ги вложиме сите демократски напори, користејќи го секој демократски механизам во рамките на Собранието на Републиката, за да не дозволиме да помине овој закон на Каракамишева и нејзините послушници, како Јетон Шасивари“, додаде генералниот секретар на ДУИ на прес-конференцијата.
Ненадминливи Понуди Дневно
4.8 (10276 рецензии)
Заштедете 152.00 ден

