Костова: Селективна истрага за трагедијата во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Костова: Селективна истрага за трагедијата во Кочани – каде е одговорноста на МВР?

15 април 2025

• од Вардарски

Потпретседателката на СДСМ, Кристина Костова, упати сериозни критики за начинот на кој се води истрагата за трагичниот настан во Кочани, каде животот го загубија 61 млад човек. Во гостување во емисијата „360 степени“, таа истакна дека станува збор за селективна и пристрасна истрага, која, според неа, свесно ги одминува вистински одговорните – функционерите во Министерството за внатрешни работи.

„За жал, гледаме истрага која бега од оние што по закон имаат директна одговорност за безбедноста. Тоа се функционерите на МВР кои тој ден беа на клучни позиции“, рече Костова.

Таа посочи дека законот јасно ја дефинира одговорноста на раководните лица во различни сектори на МВР – од локалното ОВР Кочани и СВР Штип, до БЈБ и централата на Министерството – кои биле должни да реагираат вечерта кога се случи трагедијата. Наместо тоа, истрагата досега не ги опфатила, иако, како што рече, тие имале обврска да подготват план за делување, да обезбедат доволен број полициски сили, како и да присуствуваат со противпожарни и медицински екипи.

„Ако својата работа ја извршуваа како што им налага функцијата, можеби трагедијата ќе се избегнеше, или барем ќе се ублажеше. Ќе спасевме животи. 61 млад живот изгубен – тоа не смее да остане без одговорност“, подвлече Костова.

Таа апелираше и до министерот за внатрешни работи, Панче Тошковски, да понесе морална одговорност и да поднесе оставка.

„Чесно ќе беше Тошковски истиот ден да си поднесе оставка. Тој не само што е најодговорен, туку останува на функцијата со можност да влијае врз истрагата – да ја води во насока која нему му одговара“, изјави Костова.

Со ова, СДСМ отвора прашања за транспарентноста и објективноста на истражниот процес, барајќи одговорност од сите инволвирани и потсетувајќи дека јавноста заслужува вистина и правда.