Лишен од слобода возач од скопско поради сообраќајна несреќа на улица „Џон Кенеди“ во Скопје
Возач од скопското село Визбегово е лишен од слобода поради сообраќајната несреќа што се случи синоќа на улицата „Џон Кенеди“ во Скопје.
Како што информира МВР, полициски службеници од СВР Скопје ноќеска околу 00:30 часот го привеле 57-годишниот Ф.А. од Визбегово. Несреќата била пријавена на 9 мај околу 21:20 часот, кога се судриле патничко возило „Рено“ со скопски регистарски ознаки, управувано од Ф.А., и мотоцикл „БМВ“, исто така со скопски регистарски ознаки, управуван од 25-годишниот А.Ц. од Скопје.
Во сообраќајната несреќа тешко бил повреден мотоциклистот, а повредите биле констатирани во Комплексот клиники „Мајка Тереза“ во Скопје. На местото на несреќата бил извршен увид од увидна екипа на СВР Скопје, по наредба на јавен обвинител.
Возачот на „Рено“-то е лишен од слобода и против него ќе биде поднесена кривична пријава по итна постапка, во консултација со јавен обвинител.