СДСМ: Лукровски бега за да не биде соучесник во криминалните шеми на Мицкоски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Лукровски бега за да не биде соучесник во криминалните шеми на Мицкоски

10 мај 2026

• од Темелко Тошев

Паника, страв и сериозен внатрешен распад ја дрмаат криминалната коалиција на власт. Додека Христијан Мицкоски се обидува да одржи слика на стабилност, реалноста го демантира секојдневно: почетокот на крајот на оваа коалиција веќе е на повидок.

Откако јавноста беше сведок на дебаклот и распадот во редовите на ЗНАМ – преку повлекувањето на нивниот пратеник во Собранието и советничката во Прилеп – пукнатините сега се шират и во самото јадро на власта. СДСМ денеска со алармантно соопштение открива дека хаосот се пресели директно во редовите на ВМРО-ОКГ.

Лукровски не сака да биде соучесник во бизнисите на Мицкоски

Главниот удар за ВМРО-ДПМНЕ доаѓа од Карпош. Според информациите од СДСМ, повлекувањето на Сотир Лукровски не е случајно, ниту пак е резултат на „здравствени причини“ како што се обидуваат да спасат образ од Белата палата.

„Градоначалникот на Општина Карпош, Сотир Лукровски, се повлекува затоа што не сака да потпишува документи за бизнисите на Мицкоски. Станува збор за документи кои носат директна кривична одговорност: сомнителни новоградби, легализација на дивоградби, матни финансиски трансфери и фаворизирање на фирми блиски до врвот на партијата“, велат од СДСМ.

Од опозицијата нагласуваат дека оправдувањата за „боледување“ се смешни и служат само за прикривање на паниката кај градоначалниците кои веќе не сакаат да бидат параван за криминалните шеми на Мицкоски.

Хаос, недоверба и чистки во ВМРО-ОКГ

Ситуацијата внатре во партијата на власт е тензична. Мицкоски, во обид да воспостави целосна контрола и страв, веќе започна со отстранување на луѓе кои му биле најблиски соработници.

Чистка на потпретседателите: Отстранувањето на клучни фигури од врвот на ВМРО е јасен доказ за огромната недоверба која Мицкоски ја има кон сопствените сопартијци.
Внатрешни кавги: Поделбите на крила и интересни групи веќе не можат да се сокријат од очите на јавноста.
Бегство од одговорност: Сè повеќе функционери сфаќаат дека „времето на неказнивост“ завршува и не сакаат нивните потписи да стојат на договори кои ќе бидат предмет на истраги.

Сателитот ЗНАМ прв се „согори“

СДСМ потсетува дека ЗНАМ, како формација создадена во лабораторијата на Мицкоски со единствена цел да му наштети на социјалдемократите, прва го почувствува распадот. Луѓето во оваа сателитска групација сфатија дека се само пиони во поголема игра и почнаа да го напуштаат бродот кој тоне. Сега, тој истиот бран на незадоволство и страв го зафаќа и ВМРО-ОКГ.

Доаѓа време за одговорност – стравот од меѓународни истраги

Во соопштението на СДСМ се нагласува дека паниката во редовите на власта дополнително се подгрева од промените на меѓународната сцена.

„Сѐ повеќе членови и функционери се свесни дека по падот на Орбан започнуваат сериозни истраги за политичко-криминалните мрежи во регионот. Свесни се дека наскоро и Христијан Мицкоски и неговата криминална група ќе бидат предмет на тие истраги. Од правдата никој нема да може да избега“, децидни се од СДСМ.