Инфлацијата во Македонија во април достигна 5,7% – најголем скок кај храната и транспортот

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Инфлацијата во Македонија во април достигна 5,7% – најголем скок кај храната и транспортот

09 мај 2026

• од Темелко Тошев

Годишната стапка на инфлација во Северна Македонија во текот на месец април се искачи на 5,7 проценти, покажуваат најновите податоци на Државниот завод за статистика.

Само за еден месец, трошоците за живот се зголемиле за 1,3 отсто. Најсериозен притисок врз домашниот буџет доаѓа од прехранбените производи и безалкохолните пијалаци, кои во април биле за 8 проценти поскапи во споредба со истиот период минатата година. Највисок годишен раст од 10,2 проценти е забележан кај алкохолните пијалаци и тутунот.

Драстичен раст на трошоците за транспорт

Статистиката бележи и значително поскапување на транспортот. На годишно ниво, овие трошоци се зголемени за 5,4 проценти, но загрижува фактот што само во споредба со март, зголемувањето изнесува високи 10,1 отсто.

Политички реакции: Опозицијата со обвинувања до власта

По објавувањето на овие бројки, со реакција излегоа од опозициската СДСМ, од каде упатија остри критики до премиерот Христијан Мицкоски и владата.

Од партијата посочуваат дека додека Мицкоски говори за Македонија како „трета економија“ во Европа, реалноста е поразителна.
Тие нагласуваат дека инфлацијата кај нас е двојно повисока од онаа во еврозоната, каде во април изнесувала 3 проценти.
„Сè е поскапо – храната, сметките, животот. Цените во супермаркетите уриваат рекорди“, реагираат од СДСМ, додавајќи дека владата веќе доцни со плаќањата за социјална и здравствена заштита поради недостиг на пари во буџетот.