СДСМ: Потребна е солидарност – апел за поддршка на Законот за настраданите во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Потребна е солидарност – апел за поддршка на Законот за настраданите во Кочани

10 мај 2025

• од Вардарски

Со цел да се изрази солидарност и грижа за семејствата кои беа погодени од трагедијата во Кочани, СДСМ го предложи Законот за поддршка на настраданите, кој во наредниот период ќе се најде пред пратениците во Собранието. Со овој предлог-закон се предвидуваат низа конкретни мерки и финансиска помош, како за семејствата на загинатите, така и за повредените и нивните најблиски.

Предлог-законот е чин на човечност и грижа, истакнува СДСМ, а целта е да се помогне на оние кои се најпогодени – семејствата кои ги загубија своите блиски, луѓето со сериозни повреди, како и оние кои во овој момент имаат потреба од институционална поддршка.

Предвидените мерки опфаќаат:

финансиски надомест за семејствата на загинатите,
поддршка за повредените, особено за оние со трајни последици,
поволности во образованието за децата кои отсуствуваат поради лекување,
конкретни мерки во здравството, работните односи и социјалната заштита.

Она што е важно да се нагласи е дека законот не се однесува само на трагедијата во Кочани, туку ги опфаќа и семејствата погодени од претходни несреќи, како трагедиите во Тетово, Ласкарци и несреќата со автобусот на Беса Транс. Со тоа, државата покажува доследност и фер однос кон сите жртви и нивните семејства, без разлика на времето или местото на настаните.

Од СДСМ порачаа дека ваквиот закон не треба да биде предмет на политичко надмудрување или собирање политички поени, туку чин на минимална човечка обврска и државна одговорност. Иако никаков закон не може да ја избрише болката и загубата, тој е знак дека државата стои зад своите граѓани и дека во најтешките моменти заедништвото е поважно од партиските разлики.

СДСМ апелира до пратениците на ВМРО-ДПМНЕ да ги преиспитаат своите ставови, да се издигнат над дневната политика и да дадат поддршка на законот кој ја потврдува најважната вредност – човечноста. Од СДСМ исто така изразија подготвеност да прифатат предлози и амандмани од опозицијата, со цел да се постигне консензус и заеднички да се понуди решение што ќе ги опфати сите потреби на погодените.

„Ги повикуваме на разум, човечност и единство барем кога станува збор за оние што изгубија сè,“ гласи пораката на СДСМ до сите политички чинители.