ШОКАНТНО СВЕДОШТВО ОД СКОПЈЕ: Насилник брутално тепал и давел жена среде бел ден, рацете му биле крвави!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

ШОКАНТНО СВЕДОШТВО ОД СКОПЈЕ: Насилник брутално тепал и давел жена среде бел ден, рацете му биле крвави!

30 мај 2026

• од Темелко Тошев

Според сведоштвото објавено на социјалните мрежи, насилникот крвнички ја тепал и ја давел жената, а на рацете имал видливи траги од крв. Згрозена од сцената, младата девојка веднаш реагирала за да го спречи понатамошното изживување.

„Мојата ќерка се обидела да ѝ помогне на жената и го замолила да престане да ја малтретира. Со него имало уште еден маж, кој ѝ рекол: 'Не се мешај, маж ѝ е, што сака нека ѝ прави'“, пишува Александра во својата објава.

„Дали ако ѝ е маж смее да ја тепа?“

И покрај обидите да биде замолчена, младата скопјанка не се повлекла и храбро му возвратила на соучесникот кој го оправдувал насилството прашувајќи го: „И да ѝ е маж, дали тоа значи дека смее да ја тепа?“

Она што дополнително ја шокирало и разочарало јавноста е фактот што ниту еден од мажите кои во тој момент поминувале покрај местото на настанот не се осмелил да застане и да ѝ помогне на беспомошната жена.

Наместо да престане, насилникот својата агресија ја насочил кон девојката која се обидела да го спречи.

„Насилникот се свртел кон ќерка ми и ѝ се заканил со навредливи зборови: 'Таквите како тебе на кр ги ставам'*“, посочува револтираната мајка.

Апел до МВР: Насилството не смее да се премолчува!

Преку својата објава, Александра упати остар апел и јавно побара од Министерството за внатрешни работи (МВР) итно да преземе мерки за расчистување на овој случај и санкционирање на насилникот.

Таа испрати и силна порака до целото општество во кое семејното насилство сè уште често се третира како „приватна работа“:

„Насилството врз жени не смее да се премолчува, ниту да се оправдува со зборовите 'маж ѝ е'. Денес била таа жена, утре може да биде било која!“ – порачува скопјанката.

Овој настан уште еднаш го отвора болното прашање за колективната одговорност и (не)реакцијата на околината кога станува збор за родово базирано и семејно насилство низ улиците на главниот град.