Денеска го славиме Тимотеј, еден од седумдесетмината апостоли

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска го славиме Тимотеј, еден од седумдесетмината апостоли

04 февруари 2025

• од Гоце Кически

Денеска, 4 февруари, православните христијани го празнуваат споменот на Свети Тимотеј, еден од седумдесетмината апостоли и верен ученик на светиот апостол Павле. Роден во Листра Ликаониска, Тимотеј потекнувал од мешано семејство: татко му бил Грк, а мајка му, Евнике, Еврејка со длабока и искрена вера, која ја наследил од неа и од својата баба Лоида.

Свети апостол Павле со голема почит ги споменува мајката и бабата на Тимотеј, истакнувајќи ја нивната нелицемерна вера (2 Тим. 1, 4-5). Првата средба на Тимотеј со Павле се случила во Листра, каде што Тимотеј сведочел за едно од Павловите чуда – исцелување на човек кој бил куц од раѓање.

Од тој момент, Тимотеј станал речиси неразделен сопатник на Павле. Заедно ги обиколиле Ахаја, Македонија, Италија и Шпанија, ширејќи го христијанството и зацврстувајќи ја верата меѓу верниците. Како голем ревнител за христијанската вера и извонреден беседник, Тимотеј одиграл значајна улога во ширењето на Христовото учење. Апостол Павле го нарекува свој „вистински син во верата“ (2 Тим. 2, 1-2).

По маченичката смрт на апостол Павле, Тимотеј продолжил да го шири Христовото учење. Под водство на свети Јован Богослов, Тимотеј епископувал во Ефес. Кога царот Дометијан го прогонил Јован на островот Патмос, Тимотеј останал во Ефес, но набргу го снашла маченичка смрт. Во времето на еден пагански празник наречен Катагогиум, Тимотеј бил нападнат од разлутена толпа незнабошци кои го убиле околу 93 година.

Чесните мошти на Свети Тимотеј подоцна биле пренесени во Цариград и погребани во црквата на Светите апостоли, до гробовите на Свети Лука и Свети Андреј Првоповикан.

Денес, православните верници го чествуваат овој голем апостол, молејќи за неговото застапништво и следејќи го примерот на неговата длабока вера и несебична посветеност кон Бога.