Еколошка бомба во ТЦ „Скопјанка“: Фекалии ги поплавија подрумите, станарите во страв од зарази и струен удар!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Еколошка бомба во ТЦ „Скопјанка“: Фекалии ги поплавија подрумите, станарите во страв од зарази и струен удар!

05 јуни 2026

• од Темелко Тошев

Подрумските простории на Трговскиот центар „Скопјанка“ во скопската општина Аеродром во моментов се претворени во вистинска еколошка бомба. Дел од дуќаните и подрумите се целосно поплавени со фекалии и отпадни води, што предизвика паника, револт и сериозна загриженост кај локалните станари и сопственици на објекти, Станува збор за деловни објекти кои се во сопственост на државното Акционерско друштво за изградба и стопанисување со станбен и деловен простор (АДПИСП), од кои еден дел се издадени, а останатите се празни. Токму во тие празни и напуштени простории е сместена препумпната станица за отпадни води која во моментов е нефункционална, што е и директна причина за еколошката катастрофа.

Жителите исплашени: Постои ризик од струен удар и пожар!

Освен неподносливата смрдеа која се шири низ целиот реон и претставува директна закана за здравјето на граѓаните, ситуацијата е алармантна и од безбедносен аспект. Како што пренесува порталот „Сакам да кажам“, станарите стравуваат за своите животи бидејќи во поплавените делови се наоѓаат електрични инсталации и струјни осигурувачи. Доколку нивото на фекалната вода дојде во допир со електричната мрежа, постои сериозен ризик од струен удар или предизвикување на пожар во целиот комплекс.

„Со фекалии се поплавени неколку деловни простории бидејќи препумпната станица не работи. Бараме итна реакција од Општина Аеродром оти од Акционерското друштво не преземаат ништо. Ни велат ние, станарите, да сме го презеле одржувањето на подрумите кои се во нивна сопственост“, изјавуваат револтираните граѓани за СДК.МК.

Директорот на АДПИСП: „Како што се плаќа за лифт, така треба и за пумпата“

Од друга страна, надлежните имаат поинакво видување за проблемот. Директорот на државното Акционерско друштво (АДПИСП), Јован Лукаров, тврди дека одржувањето на дефектот и препумпната станица не е исклучиво нивна обврска. Тој за СДК.МК вели дека веќе остварил контакт со инспекторатот на Општина Аеродром и предложил трошоците за санација и идно одржување да се поделат процентуално помеѓу сите инволвирани страни.

„Препумпната станица е за сите во зградите… Како што за лифтот во зградите плаќаат сите, така треба и за овој случај. Тоа е заеднички интерес“, дециден е Лукаров.

Институционален пинг-понг на грбот на граѓаните

Додека државното претпријатие, локалната самоуправа и станарите си ја префрлаат одговорноста и ја „префрлаат топката“ за тоа кој треба да го плати чистењето и поправката, еколошката бомба во „Скопјанка“ продолжува да отчукува. Неподносливата смрдеа секојдневно се засилува, а ризикот од ширење на заразни болести и хаварија со електричната енергија останува реална закана за стотици граѓани кои живеат и работат во овој дел од Аеродром.

Се очекува итна реакција од Општина Аеродром и комуналните инспектори пред состојбата целосно да излезе од контрола.