СДСМ: Антонио Кошта јасно порача: Уставните измени се единствениот услов за ЕУ, лагите на Мицкоски се целосно разобличени!

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Антонио Кошта јасно порача: Уставните измени се единствениот услов за ЕУ, лагите на Мицкоски се целосно разобличени!

05 јуни 2026

• од Темелко Тошев

Од највисоко европско ниво пристигнаа јасни и недвосмислени потврди за сето она што СДСМ го говори со месеци наназад – сите лаги на Христијан Мицкоски се целосно разобличени и потопени.

Претседателот на Европскиот совет, Антонио Кошта, јасно и директно порача дека уставните измени се единствениот услов за формално отворање на преговорите со Европската Унија. Со ова, дефинитивно пропаднаа во вода сите лажни ветувања на Мицкоски за „промена на преговарачката рамка“ и некакви „одложени дејства“ со кои со месеци ги манипулираше граѓаните.

Извештајот на Вајц е шамар за Владата: Нема реформи, има партизација на правосудството

Во исто време, Комитетот за надворешни работи на Европскиот парламент го усвои извештајот на известувачот Томас Вајц за Македонија. Овој документ е директна потврда дека Владата предводена од Мицкоски воопшто не спроведува реформи.

Во извештајот јасно се констатира:

Недоволен напредок во клучните реформи;
Сериозни уназадувања во владеењето на правото и правосудството;
Изостанок на вистинска борба против корупцијата.

Наместо ветените независни институции, денес сведочиме на брутални политички притисоци врз правосудството, јавно мешање во работата на обвинителството и очајни обиди за целосна партиска контрола врз институциите од страна на власта.

Кампањи за дезинформации по примерот на Вучиќ и СНС

Извештајот на Вајц дополнително алармира и предупредува на странско непријателско влијание и оркестрирани кампањи за дезинформации кои директно ја поткопуваат македонската демократија.

Ова е уште една цврста потврда за она на што СДСМ предупредува со месеци – дека антиевропските наративи, дезинформациите и вештачкиот евроскептицизам не се случајни. Тие се дел од организирана пропагандна кампања, копирана по примерот на Александар Вучиќ и СНС, сестринската партија на ВМРО-ДПМНЕ.

Додека Мицкоски и неговата пропагандна машинерија свесно шират стравови и лаги за наводно загрозување на идентитетот, јазикот и културата, нивната вистинска цел е соголена: да се задржи државата во изолација и трајно да се спречи европската интеграција. Лажниот патриотизам на ВМРО-ДПМНЕ им служи само како параван за неспособноста, корупцијата и тоталното отсуство на реформи. Наместо напредок кон Европа, Македонија денес е заглавена со криминална група на власт.

Париз и Берлин потврдија: Без реформи и уставни измени нема ЕУ

Дека СДСМ ја зборуваше единствената вистина потврдува и последниот заеднички документ (position paper) на владите на Берлин и на Париз. Во него јасно се потенцираат Копенхашките критериуми. Значи, без суштински реформи и без исполнување на единствениот услов за внесување на малцинствата во Уставот, нема и нема да има продолжување на преговорите со ЕУ.

Денес за граѓаните сè е кристално јасно: