Клековски: Над 650 пациенти чекаат вештачки колкови, но бројот на интервенции бележи значаен раст

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Клековски: Над 650 пациенти чекаат вештачки колкови, но бројот на интервенции бележи значаен раст

04 јуни 2026

• од Темелко Тошев

Пристапот до операции за замена на колк и колено во Македонија значително се подобрува, иако во моментов над 650 пациенти сè уште се на листите на чекање за вештачки колкови. Во трите главни јавни здравствени установи е регистриран значителен пораст на бројот на интервенциите, информираше директорот на Фондот за здравствено осигурување (ФЗО), Сашо Клековски, на денешниот брифинг со новинарите.

Зголемен обем на работа, но заостануваме кај интервенциите на колено

Според податоците презентирани од ФЗО, минатата 2025 година биле реализирани вкупно 4.044 интервенции.

Во периодот од 2023 до 2025 година е забележан раст од 9,9 проценти на овие операции.
Анализата опфаќа 14 јавни здравствени установи (ЈЗУ) низ државата.

Клековски истакна дека додека земјава покажува солидни резултати во хирургијата за замена на колкови, ситуацијата со интервенциите за замена на колено покажува дека Македонија сè уште заостанува зад земјите од регионот.

„Овие бројки потврдуваат дека пристапот до операции за замена на колк и колено значително се подобрува. Следува отворање на оперативните блокови на Клиничкиот центар и во ГОБ „8 Септември“, како и понатамошен развој на коленската артропластика,“ нагласи директорот на ФЗО.

Зошто се создаваат долги листи на чекање?

Одговарајќи на новинарски прашања за состојбата со листите на чекање, особено во ГОБ „8 Септември“ и на Клиничкиот центар, Клековски појасни дека проблемот често лежи во преференциите на самите пациенти.

„Да, точно е, листите на чекање се такви какви што се, меѓу другото, затоа што поединци инсистираат да се оперираат кај точно одреден хирург, наместо кај друг доктор кај кого можеби има слободен термин,“ посочи тој.

Шест клучни препораки за поефикасен систем

За да се надминат тековните предизвици и да се намали времето на чекање, ФЗО излезе со пакет конкретни препораки за јавното здравство:

Континуиран синџир на снабдување: Спречување на застој поради недостиг на материјали.
Навремени јавни набавки: Распишување на тендерите најмалку четири месеци пред истекот на постоечките договори.
Групна/рамковна набавка: Подобро управување со набавките и залихите како одговор на листите на чекање.
Стандардизација: Воведување на унифицирани клинички патеки.
Ефикасност: Намалување на варијациите во просечниот болнички престој на пациентите меѓу различните установи.
Централизиран регистар: Воведување на единствен регистар на чекање со максимален рок за неитни интервенции од до три месеци.

Клековски на крајот нагласи дека презентираната анализа се однесува исклучиво на јавното здравство и во неа не се вклучени податоците за пациентите кои овие интервенции ги извршиле во приватните здравствени установи во државата.