Коста: Политичките лидери да работат заедно надвор од поделбите, на Косово му се потребни силни институции

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Коста: Политичките лидери да работат заедно надвор од поделбите, на Косово му се потребни силни институции

03 јуни 2026

• од Темелко Тошев

Претседателот на Европскиот совет, Антонио Коста, за време на неговата посета на Приштина изјави дека Европската Унија континуирано го поддржува Косово и неговите евроинтегративни процеси.

Коста нагласи дека, во пресрет на изборите, неговата главна порака е оти партнерството со ЕУ носи одговорност и дека европската интеграција треба да биде приоритет кој ќе ги надмине политичките поделби.

Тој истакна дека на Косово му се неопходни силни и функционални институции, кои ќе бидат способни да ги спроведат реформите и да ги исполнат обврските преземени во рамките на дијалогот со Србија.

„Косово оди на избори овој викенд, а мојата порака е едноставна: нашето партнерство доаѓа со одговорност. Ги охрабрувам политичките лидери интеграцијата во ЕУ да ја направат приоритет, надминувајќи ги политичките поделби, и да работат заедно кон оваа заедничка цел. На Косово му се потребни силни, стабилни и функционални институции, способни да ги спроведуваат реформите, искористувајќи ги можностите што ги нуди Европската Унија и исполнувајќи ги сите обврски од Дијалогот Белград-Приштина“, порача Коста.

За време на престојот во Косово, Коста оствари средби со вршителката на должноста претседател на Косово, Албулена Хаџиу, како и со премиерот во заминување, Албин Курти. Според агендата, се очекува тој да се сретне и со претставници на политичките партии во земјата.

Претседателот на Европскиот совет со ова започна серија посети на земјите од Западен Балкан. Претходно, тој во понеделникот изјави дека проширувањето на Европската Унија претставува реална можност за балканските држави.