Србин со секира во глава го уби очувот на татко му, па сам се јави во полиција

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Србин со секира во глава го уби очувот на татко му, па сам се јави во полиција

03 јуни 2026

• од Темелко Тошев

Утрово во центарот на Белград се случило стравично убиство. 26-годишен маж е уапсен откако со секира го усмртил 92-годишниот очув на неговиот татко, а потоа мирно ја дочекал полицијата.

Според информациите на српскиот портал Telegraf.rs, крвавиот настан се случил рано утринава, околу 7:00 часот, во семејна куќа лоцирана зад старата зграда на БИП во Белград.

Полицијата рано наутро добила повик за стравично злосторство, по што веднаш била испратена патрола на посочената адреса. Според неофицијалните информации кои ги пренесуваат српските медиуми, полицајците на местото на настанот го затекнале 26-годишниот осомничен, кој воопшто не се обидел да побегне. Тој ја чекал полицијата и веднаш го признал делото.

„Го убив со секира“, наводно им рекол младиот човек на полицајците веднаш по нивното пристигнување.

Полициските службеници веднаш го уапсиле и го привеле осомничениот. Според првичните и неофицијални информации, жртвата е 92-годишен маж, кој му бил очув на таткото на убиецот.

Во моментов, на местото на злосторството има силно полициско обезбедување и екипи на форензичари кои вршат детален увид. Истражителите работат на утврдување на сите околности кои довеле до убиството, како и на расветлување на мотивот зад оваа тешка семејна трагедија.

Повеќе детали се очекуваат по завршувањето на увидот.