Тони Михајловски со остри критики: „Јаден министер, јадна култура“

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Тони Михајловски со остри критики: „Јаден министер, јадна култура“

24 април 2025

• од Вардарски

Македонскиот актер Тони Михајловски остро реагираше на социјалните мрежи поради актуелната состојба во културниот сектор, насочувајќи критики директно кон министерот за култура и туризам, Зоран Љутков. Повод за реакцијата беше информацијата дека вработените во културата останале без плата токму пред Велигден, празникот на воскресението.

Михајловски, познат по својот остар и директен стил, не се воздржа да ги искаже своите чувства:

„Смешни, и расипани, сте како Нушич да ве составувал. Кога ќе се поткачите една скала над другите веднаш почнувате да серете врз нив. За пуста функција и преку трупови ќе газите.“

Во продолжение на својата објава, актерот ја опиша актуелната културна политика како нефункционална и деструктивна:

„Ја умревте културата. Ја распнавте и заковавте клинци и ја оставивте да умре. Симболично или не — баш пред Велигден. Знаете што следува, нели. Таа ќе ‘воскресне’ и ќе ви покаже дека е поголема и побитна од сите вас во институциите.“

Михајловски ја изрази и својата огорченост што институциите не ја вреднуваат културата, додека уметниците продолжуваат да се борат за достоинствен третман и основни права:

„Се гледаме на ‘барикадите’ пошто на сцена не заслужувате да се гледаме, а реално и слабо одите у театар.“

Актерот заврши со порака до публиката, најавувајќи претстава што ќе се одигра без разлика на околностите:

„Вечерва имаме претстава. Онаа популарната. Онаа што ‘министерот’ не ја гледал пошто била добра. Јаден он и јадна култура со се туризам.“

Оваа реакција доаѓа во време кога културниот сектор во Македонија се соочува со сериозни финансиски и структурни предизвици. Постот на Михајловски ја отсликува длабоката фрустрација меѓу културните работници, кои сè почесто говорат за запоставување, непочитување и игноранција од страна на надлежните институции.