Левица: Секој петти граѓанин не може да обезбеди основен животен стандард, речиси секое трето дете живее во сиромаштија

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

Левица: Секој петти граѓанин не може да обезбеди основен животен стандард, речиси секое трето дете живее во сиромаштија

10 мај 2026

• од Темелко Тошев

Најновите податоци за Лаекенските индикатори за сиромаштија во Македонија се поразителен доказ за колапсот на досегашните економски политики. Дури 21,9% од нашите сограѓани живеат под прагот на сиромаштија – сурова реалност во која секој петти граѓанин не може да ги задоволи основните животни потреби.

СТРУКТУРНА НЕЕДНАКВОСТ, А НЕ ИЗОЛИРАН ПРОБЛЕМ

Овие бројки не се само статистика, туку социјален аларм кој го деmaskира економскиот систем што продуцира беда. Кај семејствата со три и повеќе деца, стапката на сиромаштија достигнува шокантни 55%. Ова веќе не е прашање на „социјални случаи“, туку на длабока структурна нееднаквост вградена во темелите на државата.

„Особено загрижува фактот што без пензии и социјални трансфери, стапката на сиромаштија би изнесувала неверојатни 39,4%. Тоа значи дека пазарот на труд и економскиот модел не создаваат раст, туку државата само ги амортизира последиците од сопствениот неуспех“, реагираат од Левица.

ДЕЦАТА – НАЈГОЛЕМАТА ЖРТВА НА СИСТЕМОТ

Податоците дека речиси секое трето дете (29,5%) во Македонија живее во сиромаштија се пораз за целото општество. Ова не е само социјален проблем, туку директен удар врз иднината на државата и човечкиот капитал.

Дополнително, екстремно високи стапки на сиромаштија се забележани кај:

Невработените: 45,7%
Самохраните родители: 45,8%

Наместо долгорочни инвестиции во детска заштита и квалитетно вработување, власта продолжува со козметички, краткорочни мерки кои служат само за купување социјален мир, додека капиталот продолжува да се концентрира кај малцинството.

ЛЕВИЦА ПРЕДЛАГА: Праведна распределба и крај на експлоатацијата

Економскиот модел кој брка фискална дисциплина и формален раст на БДП, додека народот гладува, мора да биде напуштен! Левица апелира на итен и сеопфатен социјално-економски пресврт:

Прогресивно оданочување: Богатите мора да плаќаат повеќе за државата да може да ги заштити сиромашните.
Раст на продуктивни плати: Крај на моделот на „евтина работна сила“.
Зајакната социјална инфраструктура: Достапно образование и квалитетна заштита за секое дете.
Директна поддршка за ранливите: Активни мерки за вработување и силна поддршка за многучлените семејства.

Не е доволно само да се зборува за инвестиции ако мнозинството граѓани се исклучени од придобивките. Време е за економија во служба на човекот, а не во служба на профитот!