Бугарија ја престигна Франција по капацитети за складирање енергија: Достигнати 0,56 гигавати

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Бугарија ја престигна Франција по капацитети за складирање енергија: Достигнати 0,56 гигавати

10 мај 2026

• од Темелко Тошев

Бугарија официјално ги престигна земјите како Франција и Романија според оперативниот капацитет за складирање електрична енергија, покажуваат податоците од најновиот извештај на енергетскиот тинк-тенк Ember. Со вкупно 0,56 гигавати (GW) активни постројки, земјата се позиционира во средниот ешалон на Европа, додека пазарот на батерии доживува историски бум поради драстичниот пад на цените на опремата.

Батериските системи стануваат клучниот „’рбет“ на транзицијата кон обновливи извори на енергија (ОИЕ), бидејќи овозможуваат складирање на вишокот сончева и ветерна енергија и нејзино враќање во мрежата во моменти кога производството е ниско, а побарувачката висока.

Германија и Италија го диктираат темпото

Според анализита „European and Türkiye Electricity Review 2026“, лидер во Европа останува Германија со 2,8 GW оперативен капацитет, а веднаш зад неа е Италија со 2 GW.

Бугарија се најде во групата земји со капацитет помеѓу 0,5 и 1 GW, каде што се и Ирска (0,92 GW) и Шведска (0,75 GW). Зад Бугарија останаа:

Франција: 0,52 GW
Романија: 0,49 GW
Белгија: 0,47 GW
Финска и Холандија: по 0,39 GW

Експертите појаснуваат дека заостанувањето на Франција е логично, со оглед на нејзиниот силен фокус на нуклеарната енергија, која покрива речиси 70% од потребите на земјата и не бара масовно краткорочно складирање како што е случајот со соларните централи.

Пад на цените од 45%: Инвестиции и без субвенции

Главниот мотор на овој експлозивен раст е чистата економија. Д-р Беатрис Петровиќ, виш аналитичар во Ember, истакнува дека секторот расте благодарение на наглото поевтинување на технологијата.

„Во 2025 година, цените на батериите за електроенергетската мрежа достигнаа рекордно ниско ниво, со пад од 45% во споредба со претходната година. Со подобрување на економските параметри, овие проекти стануваат рентабилни дури и без државни субвенции“, вели д-р Петровиќ.

Таа додава дека Бугарија, Италија и Шпанија се јасен пример како соодветните политики и стабилната законска рамка можат да го забрзаат воведувањето на новите технологии.

Турција подготвува мегапроекти од 32 гигавати

Иако моменталната слика во ЕУ е динамична, иднината му припаѓа на јужниот сосед на Бугарија. Доколку се пресметаат проектите кои се во изградба или во процес на одобрување, Турција се појавува како апсолутен хегемон со планиран капацитет од неверојатни 32,8 GW. Тоа е трипати повеќе од планираните капацитети на Германија (10,5 GW) и Полска (10,4 GW).

Сепак, регионалниот раководител на Ember, Уфук Алпарслан, предупредува на ризици. Иако турскиот регулатор овозможи неограничен пристап до мрежата за проекти кои комбинираат ОИЕ со складирање, постои опасност амбициозните планови да ја „затнат“ мрежата доколку не се реализираат навреме, со што би се блокирал пристапот за нови зелени капацитети.