Денеска 22 јуни 2026 година се празнува Свети Кирил, архиепископ Александриски

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

ДРУГО

Денеска 22 јуни 2026 година се празнува Свети Кирил, архиепископ Александриски

22 јуни 2026

• од Темелко Тошев

Православната црква и верниците денеска го чествуваат споменот на Свети Кирил, архиепископ Александриски, една од најмаркантните личности во раното христијанство чиј живот бил посветен на бескомпромисна одбрана на православието.

По потекло благородник, Свети Кирил бил близок роднина на тогашниот александриски патријарх Теофил. По неговата смрт, токму Кирил бил посветен за нов патријарх, застанувајќи на чело на Црквата во еден исклучително турбулентен историски период.

Трите големи битки на Свети Кирил

За време на својот живот, овој голем светител водел три лути и исцрпувачки борби за зачувување на христијанската вера и мир:

Борбата со новацијаните: Оваа еретичка група, која настанала во Рим (наречена по нејзиниот основач, презвитерот Новацијан), се одликувала со голема горделивост. Новацијаните оделе исклучиво во бели облеки, им забранувале на другите да стапуваат во брак и сметале дека не постои прошка за смртните гревови. Според нивното учење, оној што еднаш ќе отпаднел од Црквата, не можел никогаш да биде примен назад, колку и искрено да се каел. Свети Кирил жестоко им се спротивставил, ги победил и ги протерал од Александрија, заедно со нивниот епископ.
Борбата со Евреите во Александрија: Оваа битка била многу потешка и покрвава. Присуството на Евреите во градот било силно уште од времето на неговиот основач, Александар Велики. Нивната омраза кон христијаните во тој период била огромна – тие подмолно ги напаѓале, ги труеле, па дури и ги распнувале на крст. По долга борба, Свети Кирил успеал да издејствува од царот Теодосиј Помладиот наредба за протерување на Евреите од Александрија.
Борбата против еретикот Несториј: Најзначајната теолошка битка Свети Кирил ја водел против цариградскиот патријарх Несториј, кој ширел еретичко учење и ја хулел Пресвета Богородица, нарекувајќи ја „Христородица“.

Триумфот на Третиот вселенски собор

Кулминацијата на борбата против несторијанството се случила на Третиот вселенски собор во Ефес. Со овој значаен Собор претседавал токму Свети Кирил. Истовремено, по специјална молба, тој го застапувал и римскиот папа Целестин, кој поради длабока старост не можел лично да присуствува.

На Соборот, Несториј бил осуден и анатемисан. Потоа бил прогонет од царот на источната граница на царството, каде што умрел со ужасна смрт (според преданијата, црви му го разјале јазикот со кој хулел на Мајката Божја).

Духовно наследство

Откако завршиле големите борби, Свети Кирил продолжил да живее во мир, ревносно грижејќи се за своето духовно стадо сѐ до неговото претставување пред Господа во 444 година.

Освен неговата непоколебливост во верата, овој светител ни оставил и едно непроценливо молитвено богатство. Се верува дека токму Свети Кирил Александриски е авторот на една од најпознатите и најубавите христијански молитви: „Богородице Дево, радувај се!“.