македонија18 февруари 2025 Пајазити: Грбот со лав создава поделби, приоритет е внесувањето на Бугарите во Уставот
Пајазити: Државен грб со македонски мотиви е агенда на национализмот – Во Уставот треба да се решат албанските барања и да се внесат Бугарите
„Враќањето на идеите за државниот грб со лав, или со македонски национални мотиви, ќе отвори националистичко поглавје, што може да предизвика напнатост во меѓуетничките односи. Грбот треба да ги одразува унитарниот карактер и етничкиот состав на државата.“ – тврди Али Пајазити, професор по социологија и културна антропологија во Факултетот за општествени науки на Штуловиот универзитет во Тетово, во изјавата за ТВ Алсат.
Телевизијата наведува: „Лавот како икона и како симбол е целосно партиски поглед и пристап, тоа е чисто партиска гледна точка, и тесен монолитен пристап кој нема никаква врска со голем дел од културата во * Македонија. Тоа е кратковидост во однос на соживотот, што мора да се одржува постојано. Ова може да предизвика натамошни тензии и тенденции, како и повторно отворање на агендата на национализмот во * Македонија.“ – посочува Пајазити.
Тој ја застапува идејата дека “со отворањето на уставот треба да се затворат преостанатите етнички и интеграциски прашања“. „Ова се барањата на времето и на стварноста во * Македонија, треба да се направат овие промени, кои се суштински за интеграцијата на земјата во ЕУ.“ – убеден е професорот Али Пајазити.