СДСМ: Паничните реакции на Тошковски само ја потврдуваат неговата одговорност за случувањата во Кочани

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

МАКЕДОНИЈА

СДСМ: Паничните реакции на Тошковски само ја потврдуваат неговата одговорност за случувањата во Кочани

07 мај 2025

• од Вардарски

Во официјално соопштение, Социјалдемократскиот сојуз на Македонија (СДСМ) остро реагираше на објавите на техничкиот министер за внатрешни работи, Панче Тошковски, обвинувајќи го за обид да ја избегне одговорноста за настаните поврзани со случајот во Кочани.

Според СДСМ, неговите панични објави на социјалните мрежи, во кои упатува критики кон опозицијата, всушност се доказ дека е свесен за тежината на одговорноста што тој и неговите соработници ја носат.

„Тошковски добро знае дека, покрај морална, постои и кривична одговорност кај неговите началници, против кои не се водат постапки“, наведуваат од СДСМ, додавајќи дека и други актуелни функционери се инволвирани, но исто така не се предмет на истрага.

Партијата критикува и дека наместо да се фокусира на вистинските виновници, Тошковски се обидува да ја сврти јавноста кон настани од пред повеќе од една деценија.

„Стигна до 2012 година барајќи виновници, но не сака да ги види оние кои му се пред носот“, реагираат од СДСМ, нагласувајќи дека нема да има правда сè додека не одговараат оние кои можеле да ја спречат трагедијата, а не постапиле.

Како особено патетични ги оценуваат неговите изјави во кои се прашува каде биле Артан Груби и Перпарим Бајрами во клучниот момент – лица за кои, според СДСМ, токму Тошковски дозволил да избегат.

„До кога ќе глуми опозиција? Веќе повеќе од година дена е на власт, а има само скандали – со бегства на терористи и функционери на ДУИ“, велат од партијата.

СДСМ оценува дека Тошковски ја пропуштил шансата да биде реформатор и херој, и наместо тоа се одлучил да биде „трагичар“ кој само ја продлабочува болката на граѓаните.

„Бркање вештерки од минатото и селективни истраги не се правда за Кочани. Тошковски докажа дека тој е системот против кој се борат граѓаните“, се наведува на крајот од соопштението.