Лидерите на ЕУ се договорија за засилување на одбраната, но прашањето за финансирање останува

TEMU

#1 Најпродаван артикл

Сет од 5 парчиња заштитник на кабли, прекривка за заштита на кабли од ТПУ, додатоци за заштита на кабли, без батерија, за мобилни телефони, комплет за заштита на податочни линии

4.8 (10276)

54 ден

-73%

206 ден

Купи сега

СВЕТ

Лидерите на ЕУ се договорија за засилување на одбраната, но прашањето за финансирање останува

04 февруари 2025

• од Гоце Кически

Лидерите на Европската унија се согласија да го зголемат трошењето и да ги пополнат празнините во своите одбранбени капацитети.

„Многу е направено, но треба да направиме повеќе. Потребно е да бидеме подобри, посилни, побрзи – и да работиме заедно“, изјави претседателот на Европскиот совет, Антонио Коста.

Сепак, останува нејасно како ќе се финансира планираното зголемување на одбранбеното трошење.

Европските земји веќе ги зголемија своите одбранбени буџети како одговор на воjната во Украина и на зголеменото чувство дека Европа не може толку многу да се потпира на САД за својата безбедност.

Според Европската комисија, за пополнување на критичните празнини во одбраната, како што се противвоздушната одбрана, муниција и воениот транспорт, може да бидат потребни дополнителни 500 милијарди евра во наредната деценија.

Минатата година земјите на ЕУ потрошиле 1,9% од својот БДП за одбрана, што изнесува околу 326 милијарди евра – зголемување од 30% во однос на 2021 година.

Иако се разгледуваат неколку опции за финансирање, вклучително национални буџети, Европската инвестициска банка и приватен капитал, лидерите не донесоа конкретен договор. Прашањето за заедничко задолжување за одбранбени проекти останува чувствително.

Претседателката на Европската комисија, Урсула фон дер Лајен, изјави дека е неопходно големо зголемување на инвестициите во одбраната за да се зајакне европската индустриска база.

„Голем број години потфрлавме во инвестициите за одбрана, и сега постои итност да го надоместиме тоа“, рече фон дер Лајен.

На самитот учествуваа и генералниот секретар на НАТО, Марк Руте, и британскиот премиер, Кир Стармер.